肥仔黎 (已結業)

三個字：好！出！色！🤩香港賣鹽水雞嘅舖頭唔少 奈何好多都真係⋯唔好食🤦🏻‍♀️無得飛以嚟 一直都係靠台灣食品團購嚟止鹽水雞癮🥲直到我遇到肥仔黎🤩假日啱啱開門時段去 唔算太多人排隊 但等嘅時間都比較耐😶但一食就覺得 值得等！首先一入口個調味已經滿分💯鹹味、香料味同蒜味平衡得好好 所有配料都好入味 完全係喺台灣夜市食到嘅味道😭💕．雞腿肉滑嫩 雞皮爽口 推薦！🤩(叫半隻雞嘅朋友則表示部份肉會比較嚡 大家參考下🤔)蔬菜方面 西蘭花脆爽🥦杏鮑菇係角切 口感好好 一咬落去汁水直流💦另外仲試咗鳳梨、芋絲同白蘿蔔👍🏻如果鍾意水果入饌嘅人一定要試吓鳳梨！新鮮鳳梨嘅酸甜加上醬汁嘅鹹辣令人倍感開胃🤤🤤又平又好食 滷肉肥而不膩 冬菇帶出滷肉嘅鮮香又唔會喧賓奪主 仲有乾蔥增香🤤唔經唔覺就會啪晒成碗飯🍚