媽咪雞蛋仔

營業中

休息中

今日嚟到尖沙咀碼頭，本身係特登帶外國朋友嚟搭星小輪，跟住經過就已經聞到好香嘅雞蛋仔味，所以一定要停低買嚟食！全部都係即叫即做難怪呢度咁多人排隊。 今日要咗個比較特別嘅味道，因為朋友話未試過雞蛋仔，所以想俾佢試啲特別啲嘅口味，於是就叫咗紫薯蕃薯雞蛋仔。入面超多餡，粒粒得好飽滿，而且外脆內軟，真係勁好食！至於飲品方面，雖然而家都已經11月，但係晏晝時間都仲係好曬好熱，所以最尾就決定咗要一個芒果沙冰，唔會太甜，相當解渴，一路飲一路坐天星小輪真係最正嘅組合。