夏捌月 (已結業)

哩間元朗店有食過印象幾好，原來荃灣都開左間，放工就一於同朋友黎試下。一貫溫馨裝修，係有情調既中價選擇黎講環境幾好。忌廉湯唔係普通野，有淡淡既西蘭花香，驚喜既係湯仲係溫偏熱的，感覺好好。麵包有少少咸香，好似係蕃茄乾？好好食美國肉眼扒超厚，係帶骨既，超大份，一個人係食唔晒，或者可以話食量較大既朋友點哩個就啱晒喇。豐富既香草海鹽香，肉質夠嫩，即使係成吋厚都唔會咬到牙軟，好欣賞。仲有款好特別既伴碟，係紫紅色既紅菜頭薯蓉，冇咩薯仔味，取而代之既係紅菜頭既香甜同牛扒配搭起上黎唔會有一般牛油薯蓉咁膩。好滿意既一餐