夏捌月 (已結業)

十月一到，又係好朋友生日的大日子，今次仲要兩個一齊攪生日，約定係荃灣夏捌月食西餐。一行六人齊齊開大餐。因為兩個係小朋友，所以只叫了兩個二人套餐，但食品份量相當多，大大碟，好在食物質素高，但最後都食唔曬，好彩待應好樂意幫手打包。我地要了兩客忌廉湯，另外兩客改了龍蝦湯。龍蝦湯好正，下次一定encore！黑松露芝士薯條超級正，啲薯條粗粗大大，點左香濃嘅芝士黑松露醬，好好味！香草白汁煮青口，青口細細隻好鮮甜，個白汁就重味咗少少！前菜嘅牛舌出奇地美味！一d都唔硬 主菜叫了一份BBQ燒排骨及一份牛排，肉質相當靚！卡幫妮長通粉味道唔錯，啲汁再多少少就更好味。而松露芝士意大利飯口感一流，黑松露嘅香氣四溢。最後甜品係雜果餡嘅朱古力蛋捲同蜜瓜味蛋捲，蛋捲質地香軟滑滑，非常滿足！

夜晚約朋友在荃灣吃飯，荃灣食肆特別多，令人花多眼亂。行了一會，感覺夏捌月應該不錯，所以入內進餐。餐廳員工的服務不錯，很有禮貌，我們問了不少問題，他也耐心回應，值得一讚~朋友是食肉獸，又愛吃煎炸食物，所以點了BBQ美式原條燒豬肋排（＄188）。完全沒想到份量會這麼多，至於豬肋排則正如標題所言，真是大件又多汁，好味道！至於我則點了松葉蟹肉蟹膏燴飯（＄168），份量十足不用多說，最喜歡它每一粒飯都沾滿了汁，吃完又飽又滿足！

好友聚會, 換嚟好似遊客被騙的感覺。訂枱時保證最少可食ㄧ個半鐘, 點知門口企滿客時, 食咗ㄧ個鐘, 已經係咁清枱, 將單放你枱上。。。。趕客 !食物質素方面, 茶餐廳質素都不及。。。。食物不夠熱, 意粉冇厘味道, 牛扒冇牛味, 凍飲要加$3, 用平價食物, 但價錢唔平, 要加ㄧ, 收現金 !總結係: 物非所值, 不會再去 !

中秋過後，北風竟然意外地提早來到。涼涼秋意，卻又令人想念起夏天！這樣一個充滿矛盾的晚上，我們來到一間名為Summer August夏捌月的西餐廳。他的中文名字特別而有心思，甚至會考起一些不懂中國數字大寫的人呢，哈哈！餐廳與港鐵站的距離不需5分鐘，從行人天橋沿着圜形斜路而下，醒目亮麗的餐廳招牌便出現在眼前。走進店內，發現店子面積不算大，但佈置別緻。四周的牆壁上掛滿英雄聯盟的掛畫，相信店主是其中的愛好者吧！經服務員的細心介紹後，我們要了兩個湯、兩個主菜，深信份量已足夠果腹，但看見鄰桌食客要了一客黑松露芝士醬炸薯條，黑松露的香氣四溢，饞嘴的我們又忍不住叫了一客，首先上場的就是這客黑松露芝士醬炸薯條。外脆內軟的粗薯條上鋪滿芝士，加上黑松露醬，根本令人停不下來。當我們差不多KO掉整盤薯條的時候，兩個酥皮濃湯上場了。我要的是意式海鮮濃湯，掀開酥皮，內裏滿滿的是新鮮海鮮：青口、帶子、蜆和蝦，味道甜中帶着微酸，令人開胃；友人要的是法式龍蝦湯，龍蝦味適中，配着酥皮來喝，特別滋味。喝下湯後，主菜正式出場。日本霜降西冷。這是服務員的推介，亦是餐廳的人氣食品。由於餐廳的烹調方法是以慢煮為主，因此牛扒熟成的程度

最近經過荃灣見到呢間野開左，即刻約朋友去食，事關之前去過元朗鋪，好好食，作為荃灣地膽就二話不說要試！朋友去到就話間野轉左名，但明明係新開唔會轉名，以為佢搞錯左，點知再望清楚，原來改左叫名捌月Famous August...招牌裝修都跟足夏捌月？_？不過見新開都無損我地試食之心。我地兩個人叫左個2人餐...有餐湯x2 可加錢轉龍蝦或酥皮我地冇轉就係忌廉粟米湯，會跟兩條脆麵包條咁既野，個湯正正常常冇乜特別啦，但唔夠熱凱薩沙律x1大碟菜夠爽口，新鮮，芝士同麵包粒都鋪滿係沙律菜上面，足料小食2選1揀左黑松露芝士醬薯條+紅酒牛舌開頭叫既時候以為一道菜，點知薯條同牛舌分開左兩碟，係超多！當仲入緊湯食緊沙律之濟再上多兩碟野，張台已經冇位擺，唯有放棄個湯。個薯條好粗身而且個皮炸得好薄入面熱辣辣，加埋啲黑松露食好惹味，但漏漏地...牛舌竟然有半隻手掌咁大，下面又有啲薯蓉伴碟，紅酒味就唔係太食得出，不過勝在夠淋其實主菜未到都飽飽地...Main就揀左 肉眼扒同卡邦尼長通粉叫果時冇為意18oz，見到塊扒真係嚇親，成塊面咁大...平時食開5成熟，但朋友唔慣就叫7成，切開入面紅紅地，食落質感ok，有牛味同肉汁，

今天工作太辛苦，仲預到激氣嘢！唯有食餐好發洩下！荃灣市中心新開左一間西餐廳，之前想試吓，今晚一於去試菜。叫咗個二人餐，包晒餐湯、前菜、沙律、一款主菜、一款飯或意粉。餐湯我哋加錢轉左龍蝦湯，非常香濃仲有幾粒龍蝦肉，正！跟餐的麵包亦都相當唔錯！凱撒沙律蔬菜非常新鮮，醬料味道亦都啱啱好。白汁藍青口size細，但好嫩滑！用麵包點下佢啲白汁，非常美味！主菜可以揀一款意粉或飯，我哋揀咗卡邦妮蘑菇煙肉長通粉，上邊鋪左好多Parma cheese, 香濃美味主菜我哋揀咗和牛，果然牛扒嘅肉質非常嫩滑，食落去完全唔硬！去配襯嘅粗薯條同紅菜頭薯蓉都唔係日本餐廳提供嘅配菜，十分之有心思！餐茶叫咗熱咖啡，配襯嘅甜品係軟綿綿嘅蛋卷，都係高質素嘅！令你一餐畫上完美嘅句號。

夏捌月竟然新開左來荃灣😍覺得係一間十分用心的西餐，每次都有驚喜🌟 自從係元朗食過後，一食難忘🤤🔸最愛🦀松葉蟹肉蟹膏意粉😍一黎聞到勁香蟹味，啖啖都係蟹肉，每次來都會食，必食指數爆晒燈😆🔹原隻焗德國豬手🐷 超大份，大過塊面😂 外脆內軟，又唔會太鹹，拍得住係德國食過的HB，一d都唔難切，仲要唔貴🤤不過都見有人話食過太硬咬唔開, 甘睇緊水準可能會有d參差, 呢方面可能要改善, 但我食果次就冇呢個問題~🔸美國特級牛肉眼扒🐮塊扒長過手掌✋油脂分佈平均，叫了五成熟岩岩好🔹慢煮柳西蘭菲力牛柳(同樣點了5成熟)好多慢煮的牛肉都會韌，但佢保持到嫰滑肉質，仲鎖住了肉汁，值得一戰🔸黑毛豬火腿凱薩沙津連前菜都一樣認真，油脂分佈平均🔹甜品：Cheese cake 🍰 好食又睇得☺️ ✔️套餐價$498起都好抵食，因為實在好多野食，但覺得2人會食唔晒😂 

有時真係唔想出到去咁遠食飯，去返屋企附近食，係荃灣比我地發現開左間夏捌月，原來這間西餐廳都開左第三間分店，應該不錯丫，於事入去試下先。入到去到餐廳格局不錯，餐牌上的不少菜式很新穎、特别是小食都很吸引 !【厚煎美國帶骨肉眼扒】$288肉眼扒真係好大塊，煎得好靚同好吸引。肉眼扒邊帶點牛筋，食落口腔裏充滿油份。我地叫5成熟，煎得沒有過火，每啖都帶著肉眼扒的香味。每款都有大大條的薯條、雞脾菇和蕃茄仔，再配紅菜頭既薯蓉，超正。【德國咸豬手】$238金黃色的脆皮豬手，外皮非常香脆，切開卜卜聲，本人比較喜歡咸豬手個外皮係香脆，這間店舖已經做到我要求，值得一讚，熱氣不停由肉散發出來，粉紅色的豬肉，肉質鮮嫩多汁，配以芥末醬，更能帶出豬手肉的鮮味。【樽裝奶茶】奶茶個茶味都夠濃、滑、甜度適中，不錯。

又係上完bpmf普通話堂，今天簡直上完好攰，有些錯敗感，因為普通話音調都唔易讀。 老師很好，很專業，要我地熟讀。 我上完真的有些散了，好攰。 放堂後最好就是去醫肚，食好野啦…牆上掛滿了美式畫。天花板都有字，如果係有趣的字畫，可以看看。 1）黑松露炒野菌 ：味道好濃，炒好左的野菌再2配上黑松露及芝士焗一焗，好野味。2)Parma Ham 沙律：鹽鹽地的Parma Ham配上酸甜的沙律蔬菜，一樣配合。3）紅酒牛肉粒意粉 ：紅酒味，牛肉粒，唔會難煮，但要煮的剛剛好，汁掛在意粉又唔容易，幾好味，牛肉粒唔硬，好霖，意粉仍有爽感。

比較少去荃灣食飯，因為唔熟路，今次朋友帶我黎，一行三人去左呢間食，朋友之前食過呢間唔錯所以又黎食lu。最後決定share 兩個dinner set，同兩個小食！色彩繽紛，望見都精神！美式水牛城單骨雞翼$66呢個雞翼食得好方便，有cream sauce 同類似bbq辣醬！呢個點bbq醬好夾！雞翼炸完唔會好油，反而幾香嫩！香煎牛舌配紅酒汁$68呢個小食份量超出我預期，牛舌係超大同厚切！！雖然厚切，不過都好淋，同唔會有醒味！配菜都好多，下面仲有紫薯蓉！好少餐廳會用紫薯，幾特別！反而我覺得紫薯蓉雖然無普通薯蓉咁creamy ，不過佢反而健康啲，而且味道都幾好！我地再叫左兩個主菜，加左$20 轉set ，有湯，麵包同飲品。跟餐既湯同包個包仲係脆卜卜既！黃金蟹肉蟹膏意粉$128 加$20轉set平時都成日食蟹肉意粉，不過好少餐廳會成個蟹蓋上! 蟹蓋上面有好多蟹籽，下面係芝士焗蟹蓋，個蟹蓋入面仲有好多蟹膏！我地將蟹蓋既料整灑落去撈埋！一撈就見到意粉除左有雜菌，仲有蟹肉！！！呢個意粉真係好足料！至少我平時食過既餐廳都一定無咁多！呢個價錢，比到咁多料，完全嚇親！呢碟我真係好鐘意，唯一可以改善既地方係個汁

好鍾意去夏捌月食蟹膏蟹肉意大利飯，知道荃灣都開左間，同老公黎睇下先。荃灣俾元朗大，以簡約工業風為主，四周掛上不少卡通掛畫，主題係marvel，予人舒適既感覺。枱頭向上望，好大塊summer august嘅燈箱，好有個人風格。先飲餐湯，味濃既忌廉湯，配上脆口嘅餐包，暖暖的，唔錯。黃金蟹膏蟹肉意式焗飯，自從喺夏捌月食過一次，回味至今，黎到荃灣當然都要order一個啦。我好怕d蟹膏有時有d腥臭味，呢間用料幾好，食落無腥味，每啖都有少許蟹肉碎。而蟹膏蟹膏份量非常多，飯上面有個裝滿蟹肉嘅大蟹蓋，賣相非常吸引。每粒飯都俾蟹膏包住左，啖啖都有蟹膏嘅香味，香氣濃烈。而飯亦好煙韌，好味。成個飯份量好似唔多，但由於蟹膏量多，食幾啖已經開始飽，所以非常抵食。BBQ醬燒美國豬肋骨，肉質煮至離骨，輕輕一切已經可以，肉質相當鮮嫩而且非常腍。味道方面，搭配嘅特製醬汁好香好好味，甜甜的，單吃唔會過鹹，好夠味。一塊有大概8至9件骨，有薯條配菜，2個人share。跟左個薯菜，d 薯條較細條，份量都唔少。薯條香口得黎又唔會太油膩。欣賞個配菜，有脆肉瓜，車厘茄，蕃薯蓉，配菜入面豬最鐘意就係蕃薯蓉，豬本身對無乜味薯蓉唔太有興趣

哩間元朗店有食過印象幾好，原來荃灣都開左間，放工就一於同朋友黎試下。一貫溫馨裝修，係有情調既中價選擇黎講環境幾好。忌廉湯唔係普通野，有淡淡既西蘭花香，驚喜既係湯仲係溫偏熱的，感覺好好。麵包有少少咸香，好似係蕃茄乾？好好食美國肉眼扒超厚，係帶骨既，超大份，一個人係食唔晒，或者可以話食量較大既朋友點哩個就啱晒喇。豐富既香草海鹽香，肉質夠嫩，即使係成吋厚都唔會咬到牙軟，好欣賞。仲有款好特別既伴碟，係紫紅色既紅菜頭薯蓉，冇咩薯仔味，取而代之既係紅菜頭既香甜同牛扒配搭起上黎唔會有一般牛油薯蓉咁膩。好滿意既一餐

同朋友好耐無見，想搵個地方坐低傾下計食下扒，知道夏捌月係荃灣開左，又咁岩係附近行街於是就決定去😋❤️ 我地兩個女仔都好為食，我地決定叫兩個套餐share，咁樣可以食到多d野嘛！🤭睇睇餐牌先，都幾多選擇😍我地叫左F3 厚煎美國帶骨肉眼扒同G7黃金蟹肉蟹膏意粉✅ 然後兩個套餐都加左酥皮湯，必須要讚佢個酥皮湯 ，個皮焗得岩岩好，就算浸落湯食都食到好香既牛油味，而個蒜蓉包係條狀，份量岩岩好，脆卜卜好香口！主菜份量都好足，佢塊扒有好多配菜，有薯菜啦薯蓉啦仲有少少蔬菜🥗🥩塊肉眼扒煎得岩岩好，食落都好淋，我比較喜歡佢有鹽味既香但又唔會蓋過牛本身既味道又有少少肥膏🙈。薯菜有少少鹽係上面更加吸引！超中意蟹膏既我，呢個意粉真係岩我口味，除左啖啖蟹肉之外，每一啖都好似食緊蟹咁，勁香，但又唔洗好似食蟹咁麻煩，我覺得本身係好難整到個味道咁濃咁重蟹膏味，所以好喜歡，另外佢入面仲有d菇，感覺上令我食落去碟意粉更加豐富。最後想讚一讚佢地既服務態度，令成餐飯食得更滿足。😋

久聞夏捌月的芳名，因店在元朗所以未有到此拜訪，終於分店開到荃灣，地點很方便，就於地鐵站附近。今次藉著平日有機會去食個晚餐嘆一嘆，和朋友們點了四個餐，可以一同分享不同美食。我選了BBQ醬豬肋骨，肉質軟身而且醬汁香濃，是我喜歡的味道，底下配有薯角，香脆可口，配菜都份量不足，全份足夠與朋友一同分享，確實滋味。另外，黃金蟹肉蟹膏意粉都是出色之作，首先我們是被菜名吸引而點的，誰不知物超所值，份量足料，每一啖都充滿蟹膏及蟹肉的味道，必定是喜歡食蟹的朋友之選。我也留意店用的盤子花了心思，而且很有特色的。黑松露雜菌燴飯，濃濃的黑松露忌廉汁，再配上碎碎芝士，味道十分搭配。厚切豬鞍扒配帶子，多汁美味，下次一定會再點其他菜式。

上個禮拜係屋企附近發現左而家新開嘅西餐廳，所以就心血來潮想去試吓。我哋就叫左一個精選晚市套餐同埋一個晚餐。呢個係是日餐湯係周打魚湯嚟嘅，覺得都幾濃，味道恰到好處。呢個就係我揀嘅酥皮蟹肉蟹膏飯，面頭有好大塊嘅酥皮，脆bob bob咁。入面真係好真材實料，有好多蟹肉，仲有好甘香既蟹膏而呢個係烤焗豬鞍扒伴醬汁燒元貝，豬扒整得好嫩，賣相又好靚，元貝就鮮甜，薯條都炸得好脆如依度仲有自家最嘅飲品，好似左邊嗰個係朱古力奶，中間就係奶茶，右邊就係咖啡。我飲咗個朱古力奶，好重奶味