影片
更多
2022-10-15
1667 瀏覽
2022年10月9日 星期日今晚難得可以同老婆去九龍灣欣賞舞台劇，去之前我哋就係觀塘食個飯先，咁岩係網上面搵到呢間餐廳餐廳位於工厦之中，但去到先發現原來有分室內同室外區域，室外空間更大同裝飾得更有情調，有好多燈掛左係出面，仲可以招呼埋寵物添餐廳選擇俾客人用自助點餐，掃個QR code就得，十分方便，有好多唔同嘅菜式可以選擇，而且價錢唔算太貴不過當中最吸引我嘅係門口見到呢一張海報，寫住有巨型豬扒跟薯菜，淨係睇圖片都覺得好震撼，所以忍唔住叫咗一份，另外再叫多一個主菜同小食等咗大約10分鐘左右，新鮮熱辣嘅小食拼盤就嚟到，有nachos、炸泰式魚餅、炸雞、炸洋蔥圈同燒菠蘿，仲有三款唔同嘅醬汁可以點，分別係茄汁、沙律醬同泰式辣醬，魚餅咬落去好彈牙，有少少辣，如果點埋泰式辣醬一齊食更加惹味，而洋蔥圈炸得好香脆，粉漿唔算太多，炸完之後食落去都唔覺得太過油膩最驚喜嘅係燒菠蘿，因為燒得好香又夠甜，應該食完主菜之後先食就更加好跟住有飲品黎到，呢個係阿婆的秘密，其實係蘋果沙冰，賣相好靚，杯上面插住蘋果片同藍莓，飲落去既清甜又冰涼，蘋果味十分突出，正好可以解去小食拼盤既油膩感老婆就要左季節限定嘅”唔好咁忙”，
今晚難得可以同老婆去九龍灣欣賞舞台劇，去之前我哋就係觀塘食個飯先，咁岩係網上面搵到呢間餐廳
餐廳位於工厦之中，但去到先發現原來有分室內同室外區域，室外空間更大同裝飾得更有情調，有好多燈掛左係出面，仲可以招呼埋寵物添
餐廳選擇俾客人用自助點餐，掃個QR code就得，十分方便，有好多唔同嘅菜式可以選擇，而且價錢唔算太貴
不過當中最吸引我嘅係門口見到呢一張海報，寫住有巨型豬扒跟薯菜，淨係睇圖片都覺得好震撼，所以忍唔住叫咗一份，另外再叫多一個主菜同小食
等咗大約10分鐘左右，新鮮熱辣嘅小食拼盤就嚟到，有nachos、炸泰式魚餅、炸雞、炸洋蔥圈同燒菠蘿，仲有三款唔同嘅醬汁可以點，分別係茄汁、沙律醬同泰式辣醬，魚餅咬落去好彈牙，有少少辣，如果點埋泰式辣醬一齊食更加惹味，而洋蔥圈炸得好香脆，粉漿唔算太多，炸完之後食落去都唔覺得太過油膩
最驚喜嘅係燒菠蘿，因為燒得好香又夠甜，應該食完主菜之後先食就更加好
跟住有飲品黎到，呢個係阿婆的秘密，其實係蘋果沙冰，賣相好靚，杯上面插住蘋果片同藍莓，飲落去既清甜又冰涼，蘋果味十分突出，正好可以解去小食拼盤既油膩感
老婆就要左季節限定嘅”唔好咁忙”，其實係芒果加西米，芒果酸酸甜甜幾開胃，飲落去好清涼，而且份量都唔少，解渴一流
到咗期待已久既主菜出場，係巨型豬扒配薯菜，塊豬扒真係好大塊，仲大過我塊面，而且煎得好香，切落去啖啖肉，兩個人食足夠有餘，因為好厚身，至於配菜都好豐富，有新鮮嘅燒青瓜同燒蕃茄，燒完之後都仲有好多汁，薯條又夠香脆，黑椒汁同茄汁仲可以分開上添，唔怕味道過濃
最後甜品我地點左士多啤梨乳酪瀑布蛋糕配雪糕，當膠板一拎開既時候，士多啤梨乳酪就真係好似瀑布咁流晒落去下面嘅蛋糕到，打卡一流，而且味道都唔錯，酸酸甜甜咁，咁會太膩，配埋雪糕一齊食味道更加豐富
最後埋單$600有找，無論環境定係食物嘅質素都唔錯，下次一定會再嚟試其他食物！！
張貼
