蛇王二 (已結業)

一年起碼去兩三次，喜歡蛇羹及叉燒臘腸潤腸飯。不嬲我都知道他們態度差，今日實在頂唔順。我見門口一大堆人，望望啲人，知道他們已各自報上了幾多位，他們在等待中。我好聲好氣問門口帶位嗰個人，有冇一位，佢態度超差望一望你，不置可否，又即刻鬧門口等位的人點解唔排埋一邊。所有人乖乖地排埋一邊，忽然喺另一邊見一個人行入去，同一個帶位麻甩佬又俾佢坐低。上前問佢哋點解咁唔公度，佢仲惡過你。大大聲帶你話「好吖，依家入嚟吖」嘩，比成舊水，咁迫夾食個蛇羹餐啫，做乜好似係監倉被人呼喝！即刻掉頭走，話明冇下次。其實裏面的座位又窄又污糟，多謝佢今次咁嘅態度，喚醒了我！除了即刻掉頭走人，以後都唔幫襯。港島區仲有唔少高質素的食蛇地方，何必係咁屈質的地方受氣。