影片
更多
2024-01-27
1072 瀏覽
今晚同朋友黎呢間店小二度食飯，食到一肚氣，極差既體驗，詳情如下：1. 座位安排：坐得極度唔舒服，一張長枱做兩枱客，坐11個人，每個人既位置係窄到食飯舉起手踭都會撞到既程度。同背後嗰枱既距離直情係背脊貼背脊。然而同陌生人身貼身既同時，自己張枱係成米闊，加上成個餐廳環境係好嘈，同坐對面既朋友係完全傾唔到計，連講嘢都好辛苦，想搵地方同朋友食飯傾計既朋友三思。2. 人手安排：其實間餐廳唔算好多枱客，但唔知係人手唔夠定嘈吵得濟既原因，我地無論係嗌落單，催單(催左一次)定埋單都係嗌左好多次都冇人應，就算應左都冇人黎既狀況，嗌到忟。3. 食物安排：我地基本上等左30分鐘先開始黎第一個菜，前後左右早過我地遲過我地既都已經食緊。我地嗌左total 5個餸但有2個餸係嚴重漏單。請店員跟單但佢係check都冇check就話 催左啦(心靈催單術？)。最後我地個薑蔥蠔煲係交枱前10分鐘先上(餐廳要求8點交枱但7點50分先上)，一個蠔煲落左單超過一個鐘先出到係咪係個海度捉緊啲蠔？一個熱辣辣既蠔煲要人10分鐘內食完(其他飯餸又已經食晒)又合唔合理呢？另外仲有個菜係直接漏單cancel埋。其實眼見餐廳total 10
1. 座位安排：坐得極度唔舒服，一張長枱做兩枱客，坐11個人，每個人既位置係窄到食飯舉起手踭都會撞到既程度。同背後嗰枱既距離直情係背脊貼背脊。然而同陌生人身貼身既同時，自己張枱係成米闊，加上成個餐廳環境係好嘈，同坐對面既朋友係完全傾唔到計，連講嘢都好辛苦，想搵地方同朋友食飯傾計既朋友三思。
2. 人手安排：其實間餐廳唔算好多枱客，但唔知係人手唔夠定嘈吵得濟既原因，我地無論係嗌落單，催單(催左一次)定埋單都係嗌左好多次都冇人應，就算應左都冇人黎既狀況，嗌到忟。
3. 食物安排：我地基本上等左30分鐘先開始黎第一個菜，前後左右早過我地遲過我地既都已經食緊。我地嗌左total 5個餸但有2個餸係嚴重漏單。請店員跟單但佢係check都冇check就話 催左啦(心靈催單術？)。最後我地個薑蔥蠔煲係交枱前10分鐘先上(餐廳要求8點交枱但7點50分先上)，一個蠔煲落左單超過一個鐘先出到係咪係個海度捉緊啲蠔？一個熱辣辣既蠔煲要人10分鐘內食完(其他飯餸又已經食晒)又合唔合理呢？另外仲有個菜係直接漏單cancel埋。其實眼見餐廳total 10-15枱客以內，要manage好啲單禁難咩？
4. 食物：食物味道好average但係性價比就頗低，黑椒薯仔牛柳粒薯仔仲多過牛，薑蔥蠔煲5粒蠔要價$288，舊蠔仲要係’un’既。
5. 時間安排：我哋book位既時候餐廳已經同我地講8點要交枱，去到就聽到餐廳話係因為8點有party book左場，禁做第二輪我哋明同理解，但問題係你要求個客限時係咪應該啲餸出得timely啲同應客應得快d，基本上我地淨係係度搵侍應同等餸出係浪費哂勁多時間。
總括緊講真係一個超差既體驗。坐得唔舒服，叫侍應係10世都叫唔到，野食上得慢又漏單，味道唔係特別好食性價比又低。冇下次。
張貼
