影片
更多
2018-06-07
484 瀏覽
女仔大部分都鐘意食餐廳環境多過真係食野之前見其他人上嚟影相都好靚我都唔執輸想試吓由於一早有訂枱嘅關係同埋早去食飯一去到只係得一兩張枱坐咗客但係其實特色嘅位亦都只係得一兩張如果有興趣去嘅朋友記住訂位嘅時候book埋啲特別嘅位題外話本人有鼻敏感如果比較大塵嘅餐廳我都會係咁打乞嗤我一坐低冇幾耐就不停打乞嗤我估應該係餐廳環境唔係非常整潔坦白講佢嘅牆身都係有假花草做裝飾明白會係比較難打理嘅望咗餐牌都係發現要set比較價錢合理事不宜遲就叫服務員落單我同佢講叫呢個set如果大家有睇到上圖嘅話都會發現其實係有好多個大項目入邊要揀一至兩樣食品跟住就發生啲好搞笑嘅事啦我同個服務員講starter要煙三文魚正常之後會問你小食同埋主菜再加甜品要咩佢聽到我點完第一個食品之後就問我仲有冇野要我心諗: 呢個係set餐而我只係叫左一樣野之後佢就好似想離開咁但係個餐廳係冇其他人需要叫嘢食 (我眼見)都唔緊要咁我就繼續講我想叫啲咩食啦然後我就問佢餐湯係乜嘢唔知佢係第一日返工定係啱啱開工佢話唔知餐湯係咩話問一問轉頭話我聽好! 唔緊要咁叫主菜啦我哋問比目魚係配薯菜定係飯或者意粉服務員表示比目魚係配有魚我地R曬頭我朋友就再問多
多過真係食野
之前見其他人上嚟影相都好靚
我都唔執輸想試吓
由於一早有訂枱嘅關係
同埋早去食飯
一去到只係得一兩張枱坐咗客
但係其實特色嘅位亦都只係得一兩張
如果有興趣去嘅朋友記住訂位嘅時候book埋啲特別嘅位
題外話本人有鼻敏感
如果比較大塵嘅餐廳
我都會係咁打乞嗤
我一坐低冇幾耐就不停打乞嗤
我估應該係餐廳環境唔係非常整潔
坦白講佢嘅牆身都係有假花草做裝飾
明白會係比較難打理嘅
望咗餐牌都係發現要set比較價錢合理
事不宜遲就叫服務員落單
我同佢講叫呢個set
如果大家有睇到上圖嘅話都會發現
其實係有好多個大項目入邊要揀一至兩樣食品
跟住就發生啲好搞笑嘅事啦
我同個服務員講starter要煙三文魚
正常之後會問你小食同埋主菜再加甜品要咩
佢聽到我點完第一個食品之後
就問我仲有冇野要
我心諗: 呢個係set餐而我只係叫左一樣野之後
佢就好似想離開咁
但係個餐廳係冇其他人需要叫嘢食 (我眼見)
都唔緊要咁我就繼續講我想叫啲咩食啦
然後我就問佢餐湯係乜嘢
唔知佢係第一日返工定係啱啱開工
佢話唔知餐湯係咩話問一問轉頭話我聽
好! 唔緊要
咁叫主菜啦
我哋問比目魚係配薯菜定係飯或者意粉
服務員表示比目魚係配有魚
我地R曬頭
我朋友就再問多次會唔會係有薯菜定係飯一齊㗎
服務員表示有啲啲菜
哦冇解答過我哋既問題
好! 唔緊要！我地叫咗豬肋骨同比目魚
咁我哋叫甜品啦
我哋要心太軟同埋窩夫
想問下雪糕係咩味
服務員話冇得揀㗎
冇得揀都可以知道個雪糕係咩味掛...
佢亦再一次表示唔知道
OMG ?!! 想點呀
幾經辛苦終於落完單啊
由於我同朋友今日工作都比較辛苦
特登揀呢間餐廳希望可以relax下
叫做氹下大家開心
以上發生嘅事已經令我哋覺得我哋揀錯地方食飯
上菜la
煙三文魚沙律
冇特別
玫瑰滷水雞翼
值得一讚嘅地方係啲雞翼大大隻
亦都好夠味
叫咗杯花茶都係普通貨色
謎團比目魚終於嚟到
原來佢係配薯菜嘅
味道是可以的
而嗰個豬亦都係配薯菜
不過好可惜我哋切件豬嘅時候就發現
其實入邊係未熟透嘅
難切開，
入邊有粉紅色嘅未熟嘅肉汁同埋血水
之後佢哋幫我地返煮一次就可以食啦
不過因為返煮嘅關係
所以已經抽乾左水冇咁juicy
係呢個時候
其實我哋已經食到好想走
所以叫佢快手啲上埋個甜品
心太軟同雪糕窩夫
大家都應該食過心太軟嫁
應該都知道切開係啲朱古力醬會流出嚟㗎
呢個心太軟係全熟嘅版本
真心食到想講粗口
冇心機到連周圍嘅環境都冇影相
我應該以後都唔會去呢間餐廳食飯
服務質素唔好
環境唔太乾淨
食物質素中下
完全唔值呢個價錢
張貼
