餃里 (悅湖商場) (裝修中)

呢間野新開嘅冇幾耐，見佢裝修得唔錯都諗住試吓。見到啲價錢都唔算平，但有啲款又幾有特色咁，都係都係試一試啦。心大心細諗咗好耐，都係穩穩陣陣叫返椰菜餃算。等咗兩個字，佢俾咗湯餃我，佢應該落錯咗。但都唔緊要啦，因為都費事再等兩個字。呢度差唔多$40得嗰六隻，打開嗰陣聞到啲湯好似唔錯咁，但一食落口食完一隻就有少少後悔啦，啲餡唔多菜多個肉，啲皮又厚。最後飲咗兩啖湯又好似味精湯咁飲完要係咁飲水，真係試過一次冇下次。