伙食工業 (已結業)

麻辣鴨血鴨肉麵線 $85負分，竟然夠膽用煙鴨胸代替鴨肉？！成碗都係超市現成即開即食加工副食品拼湊而成，包括湯底，一口即食麵味粉嘅味，鹹到灼喉！黑糖珍珠奶茶冇奶味，得個甜字三杯牛尾飯 $70牛尾完全係硬到咬唔開，完全挑戰門牙，食落每一口都黐牙，完全係虐待自己。牛尾要煮得腍係基本要求啦，仲衰過茶餐廳。三杯烹調方法唔正確，導致只得薑味最突出。環境裝修不錯，坐位亦舒適，奈何食物奇差，導致整體用餐體驗不佳，不推薦此餐廳。