牛摩 (荃灣千色匯I) (裝修中)

荃灣牛摩啱啱裝修完，即刻約埋個會員一齊去食佢哋新menu。因為最平嗰set $200都唔洗，食足90分鐘，仲有星級牛肌腹任食。宜家入座仲有幸運輪玩100%中獎，抽到杯Sapporo 生啤都幾好彩，但係其實出面都有好多款飲品，就自己拎多罐柚子梳打，加入啤酒變做柚子啤酒，正👍🏻QR code落單可以叫牛、豬、雞，仲有牛摩飯叫，其他菜、丸、火鍋料就自己出去拎，居然仲有壽司同大量甜品。牛肌腹肉質其實還好，瘦肉得嚟有肉味又有少少肥。其實仲要食出面啲野又點食咁多肉。最後留返半個鐘食下甜品休息下，埋單就真係300頭到，真係抵到爛。