薩莉亞意式餐廳 (良景廣場) (已結業)

今日食薩莉亞，真係超平，29蚊平時食個大排檔雲吞麵都唔得，去呢間嘢，你揸住29蚊可以叫個「水牛芝士pizza」，29蚊你可以叫「野菌忌廉意大利飯」，29蚊你可以叫個「番茄煙肉意粉」，10蚊你仲可以飲個「周打魚海鮮湯」👍👍最欣賞係「水牛芝士pizza」，味道唔會太濃，皮唔會太厚，份量啱啱好，一人兩件食晒，好過食pizza食到好似食緊麵包皮咁，最終都係浪費，「周打海鮮湯」材料十足，唔會好似水稀稀咁，乜味都冇，而意大飯係我平時最鍾意嘅，29蚊食倒，已經好滿足，仲想對佢有咩要求？