影片
更多
2022-02-11
1148 瀏覽
餐廳分兩邊. 一邊係壽司吧枱. 望住壽司師傅同時望住個開楊樓景. 另一邊就普通枱望馬場景. 都唔錯.餐牌價錢唔平. 但師傅俾足食材, 玩足花款. 服務更值得一讚!今次繼續搵都師傅. 點咗中午Omakase餐.一開始送小食: 焗鱈魚乾. 香脆. 點埋屈機沙律醬, 掂! 後尾發現食完仲可以再添.第一道刺身: 針魚. 師傅話針魚比較淡味. 用昆布包住. 食落去好似放咗鹽嘅味道. 有趣. 我幾鍾意針魚嘅質地, 結實, 有口感.第二道刺身.左邊: 魚子醬, 白蝦, 吞拿魚茸. 每次都三層一齊食. 魚子醬俾到味道, 白蝦俾到膠口口感, 再配合埋吞拿魚茸, 真係一流!右邊: 牡丹蝦配梅子醬. 牡丹蝦夠大隻. 配梅子醬. 簡簡單單.第三道刺身. 賣相夠晒吸引.1. 深海池魚. 魚味濃郁.2. 鰤魚. 都係重魚味, 加咗柚子胡椒. 據師傅講, 鰤魚係野生嘅油甘魚. 比較大隻, 魚味較重. 長知識!3. 金目鯛. 燒咗嘅, 滿口油香, 冇得輸.4. 花螺, 普通.5. 楊梅. 清下個口.第三道刺身.左邊: 馬糞海膽. 加咗豆腐係底. 我覺得豆腐溝淡咗海膽味. 一於食完海膽先食豆腐. 鮮甜. 師傅介紹海膽嘅
餐牌價錢唔平. 但師傅俾足食材, 玩足花款. 服務更值得一讚!
今次繼續搵都師傅. 點咗中午Omakase餐.
一開始送小食: 焗鱈魚乾. 香脆. 點埋屈機沙律醬, 掂! 後尾發現食完仲可以再添.
第一道刺身: 針魚. 師傅話針魚比較淡味. 用昆布包住. 食落去好似放咗鹽嘅味道. 有趣. 我幾鍾意針魚嘅質地, 結實, 有口感.
第二道刺身.
左邊: 魚子醬, 白蝦, 吞拿魚茸. 每次都三層一齊食. 魚子醬俾到味道, 白蝦俾到膠口口感, 再配合埋吞拿魚茸, 真係一流!
右邊: 牡丹蝦配梅子醬. 牡丹蝦夠大隻. 配梅子醬. 簡簡單單.
第三道刺身. 賣相夠晒吸引.
1. 深海池魚. 魚味濃郁.
2. 鰤魚. 都係重魚味, 加咗柚子胡椒. 據師傅講, 鰤魚係野生嘅油甘魚. 比較大隻, 魚味較重. 長知識!
3. 金目鯛. 燒咗嘅, 滿口油香, 冇得輸.
4. 花螺, 普通.
5. 楊梅. 清下個口.
第三道刺身.
左邊: 馬糞海膽. 加咗豆腐係底. 我覺得豆腐溝淡咗海膽味. 一於食完海膽先食豆腐. 鮮甜. 師傅介紹海膽嘅牌子係濱中小川. 質素比較穩定.
右邊: 沙甸魚. 魚滑, 重味, 肥美. 我鍾意喎! 配埋塊薄薄脆口嘅炸幼沙甸魚加紫菜, 超級好食.
最後, 梅酒浸蕃茄. 清下個口.
第四道刺身.
左邊: 安康魚乾. 加咗柚子胡椒. 正常發揮.
右邊: 仙鳯趾珍蠔. 加咗花椒油. 入口有蠔味. 花椒油令隻蠔喺口裏邊有香口嘅感覺. 神級配搭.
煎鱈魚白子. 白子味道濃郁. 如果你係鍾意食豬腦同牛骨髓嘅, 呢個啱晒你.
鰹魚. 放咗喺個盅裏面. 盅底放咗燒咗嘅百里香. 一路食住鰹魚, 一路聞住百里香香味. 十分欣賞師傅玩埋嗅覺.
螢光魷魚. 熟咗嘅. 一串三粒. 師傅建議一次過食唒三粒. 多膏, 好食.
正式熱盤: 香煎鱸魚. 配咗用日本菜整成嘅忌廉汁. 再加上魚子. 老實講, 我唔鍾意食. 一路食落嚟, 刺身質感係好滑嘅, 鱸魚相對好鞋, 淡味. 個忌廉汁有種生勾勾嘅味道. 熱菜比較失色.
中間加插: 長野蕃茄加冰菜. 一般.
炸慢煮八爪魚. 聽講八爪魚係煮咗5-6個小時, 再炸. 好食嘅. 好處係腍. 但冇咗新鮮生炸嘅口感. 相比之下, 我會鍾意街頭小食嘅八爪魚囉.
第一道壽司: 帆立貝. 配咗生椒. 好味. 生椒令到帆立貝除咗鮮味之餘仲有少少香口.
第二道壽司: 拖羅. 肥美. 今次只係加咗醬油. 味道偏濃. 個醬油其實好好味.
第三道壽司: 馬糞海膽. 成座山咁高.
第四道壽司: 中落骨. 師傅話係黐住拖羅魚骨上面嘅魚肉. 特別滑.
第五道壽司: 赤鯥魚. 燒咗. 油香滿溢.
第六度壽司: 鯖魚. 重口感, 重口味. 輕輕燒咗嘅. 應該加咗少少甜甜酸酸嘅配味. 平衡番. 掂!
湯: 洋蔥大蜆湯. 聽講洋蔥係嚟自淡路島. 理論上係甜啲嘅. 以湯論湯, 唔夠熱. 唔夠味.
師傅驚我唔夠飽, 加個花竹蝦頭肉炒櫻花蝦飯. 超好食. 蝦頭膏撈埋啲飯嚟炒. 膏香十足.
甜品一: 雞蛋糕加泡成咖啡酒. 蛋糕好食. 未吞落肚之前, 飲一啖咖啡酒, 變咗好好食嘅咖啡蛋糕. 創意嘅配搭.
甜品二: 靜岡蜜瓜加雪糕.
總結一下: 食材十足, 花款多樣. 師傅悉心解釋每道菜. 有問必答. 完全感覺到師傅好想同你分享食物嘅背後, 而唔係敷衍了事. 值得一讚. 好多米芝連餐廳都做唔到. 服務亦十分周到. 整體性價比唔錯.
策略: 坐吧枱. 搵都師傅.
張貼
