影片
更多
2021-01-23
1143 瀏覽
上年已經知道「閨•家」嘅存在，一直想試，但又唔係成日經炮台山。直至佢喺深水埗西九龍中心開咗分店，我終於能一嚐佢嘅滋味，更加有信心放假帶呀媽去食晏🙈。星期六下午兩點去到炮台山店要等位，不過15分鐘內就搞掂。但當我哋入座後，下午茶時段開始人龍變更長，超強人氣認證👏。老實講，小店面積真係好細，環境有點迫夾，所以不宜久留，食完盡快交番張枱，等佢做多枱客😁。咁嘅環境下，店員工作更多、更麻煩，不過佢哋嘅態度依然友善，唔會燥底。 鹹魚煎肉餅豬扒飯($50)，🐷豬扒係呢度嘅招牌菜，所以一定要嗌，同時亦可以配埋蓮藕餅同雞翼等。而我哋就揀咗🐟鹹魚煎肉餅，肉餅煎得幾香，鹹魚味恰到好處。主角豬扒調味唔錯，好入味，但略嫌較為薄身。不過啲餸絕對夠送飯，🍚飯淋上豉油，但唔會過鹹，唔夠可以再加。另外，餐廳仲搭咗唔少蔥同雪菜添！是日老火湯係蘋果紅蘿蔔煲沙參咸排骨🍎🥣，功效降火潤肺。佢係星期六款式，每日唔同。嗌飯餐會配一盅細嘅湯，幾抵。湯品用上唔少材料煲，飲完唔會口乾，無落味精，不過好似甜咗啲。慢煮豬軟骨甘筍麵($46)，湯麵款式冇跟老火湯，而湯底就無乜特別，因為重點係麵本身嘛🍜。麵有三個口味，包括紫薯、甘筍同菠菜味。我
上年已經知道「閨•家」嘅存在，一直想試，但又唔係成日經炮台山。直至佢喺深水埗西九龍中心開咗分店，我終於能一嚐佢嘅滋味，更加有信心放假帶呀媽去食晏🙈。
星期六下午兩點去到炮台山店要等位，不過15分鐘內就搞掂。但當我哋入座後，下午茶時段開始人龍變更長，超強人氣認證👏。
老實講，小店面積真係好細，環境有點迫夾，所以不宜久留，食完盡快交番張枱，等佢做多枱客😁。咁嘅環境下，店員工作更多、更麻煩，不過佢哋嘅態度依然友善，唔會燥底。
鹹魚煎肉餅豬扒飯
$50
29 瀏覽
0 讚好
0 留言
是日老火湯係蘋果紅蘿蔔煲沙參咸排骨🍎🥣，功效降火潤肺。佢係星期六款式，每日唔同。嗌飯餐會配一盅細嘅湯，幾抵。湯品用上唔少材料煲，飲完唔會口乾，無落味精，不過好似甜咗啲。
慢煮豬軟骨甘筍麵($46)，湯麵款式冇跟老火湯，而湯底就無乜特別，因為重點係麵本身嘛🍜。麵有三個口味，包括紫薯、甘筍同菠菜味。我食過兩款，其實就唔係好出到個味，不過相信係搓麵時已加咗唔少成份入去，顏色幾鮮艷🌈。呢日食嘅係甘筍麵，麵質彈牙，但浸太耐湯就易淋。份量超多，係雲吞麵量嘅三倍！
慢煮豬軟骨
9 瀏覽
0 讚好
0 留言
涼拌海蜇手撕雞($38)，小食嚟講佢好大碟，麻醬落得好重手，一定夠汁。海蜇拼手撕雞🐔嘅組合幾夾，但如果雞絲可以撕得幼細啲就更好。同時，麻醬始終比較漏，建議餐廳可考慮推出半份。
飲品方面🥤，我哋要咗凍奶茶同凍檸蜜，各加$7，因為無餐。
總括嚟講，閨·家嘅食物味道確係比人一種住家感覺🏡，賣相唔算非常精美，亦唔係用上矜貴材料，但簡簡單單、經濟實惠，已經好好。難怪要排隊都咁多人幫襯。最後，我更知道佢係一間香港良心小店，值得大大力支持💪！
張貼
