影片
更多
2016-10-29
768 瀏覽
我住喺鋪頭附近兩年先第一次食，仲要係未婚妻(嗰時仲係女朋友)喺openrice search附近餐廳見倒有咁多好嘢食先至話落去試吓橫掂咁近。之前經過不下50次，間鋪認真唔覺眼。先至聲明此店絕不便宜，當然你可以就咁食碗烏冬，咁就有限錢。但去得呢間餐廳就係想食好嘢，千其唔好想2舊水食魚生食到飽或者3-4舊水嘆倒貴嘢而又食得飽，咁你會失望。食嘅係最好嘅材料，俾嘅价錢係出面大鋪嘅7拆甚至半價，仲要絕不呃秤，真係算係咁。籃龍係必點嘅，兩食。點多幾款魚生整成魚生拼盤。頭同鉗可以整湯烏冬或煲粥，都好掂。海膽同喺日本築地街邊鋪食差唔多。苦瓜炒牛肉出奇地好食，叫餸食可以一試。兩位老闆一人當廚一人走廳堂，兩個都好好傾，好快打成一片。忙嘅時候要等耐d，得一個廚係咁上下。不過出品一定唔會失望。絕對推荐~
先至聲明此店絕不便宜，當然你可以就咁食碗烏冬，咁就有限錢。但去得呢間餐廳就係想食好嘢，千其唔好想2舊水食魚生食到飽或者3-4舊水嘆倒貴嘢而又食得飽，咁你會失望。食嘅係最好嘅材料，俾嘅价錢係出面大鋪嘅7拆甚至半價，仲要絕不呃秤，真係算係咁。
籃龍係必點嘅，兩食。點多幾款魚生整成魚生拼盤。頭同鉗可以整湯烏冬或煲粥，都好掂。海膽同喺日本築地街邊鋪食差唔多。苦瓜炒牛肉出奇地好食，叫餸食可以一試。
兩位老闆一人當廚一人走廳堂，兩個都好好傾，好快打成一片。忙嘅時候要等耐d，得一個廚係咁上下。不過出品一定唔會失望。
絕對推荐~
張貼
