影片
更多
2023-04-07
79 瀏覽
放工之後同個同事一齊去探索屯門周圍嘅餐廳，鮨亭係其他同事推薦左好幾次…所以我哋決定去試下！成個過程好享受，每一款食物都好好食，擺盤同味道都好👍👍👍，店員服務周到禮貌，會即時補茶水，可能因為位置比較偏，要答多程巴士先到～星期二夜晚唔算太多人，唔洗等位。店裡氣氛好好，同同事一邊食一邊傾計，不知不覺傾咗一個鐘，開心返歸！非常啱哂打工仔放工後黎chill嘅小店～😗飲品：自家製檸檬綠茶🍵呢杯檸檬綠茶比起平時飲嘅檸檬茶甜度低啲，唔會太酸，綠茶嘅味道同佢好融合，好清爽，好飲！有帶俾我驚喜！巨峰提子梳打🍇呢4隻字對我黎講實在太吸引，所有同親巨峰提子有關既野食我都好鍾意🤣🤣飲落好清甜，幾重提子味，加埋平時自己鍾意飲梳打🫣正正正前菜牛油果三文魚沙律係今年食過最好食既沙律🤣。首先，沙律嘅配料好新鮮，有啲出面買嘅沙律菜會有種苦味，但呢個完全冇，特別清甜。🤓 三文魚肉質細滑，口感鮮美，同新鮮嘅沙律菜、蕃茄、三文魚籽同埋牛油果搭配，冇油膩嘅沙律醬，簡單調味後加埋碎芝麻，反而突出咗食材本身嘅美味。可以話係健康同好食😋，非常推介！山田灣石蠔第一次食如此大隻嘅生蠔🦪，作為生蠔愛好者一本滿足🤤，只能用一個鮮字形容，滿嘴都
成個過程好享受，每一款食物都好好食，擺盤同味道都好👍👍👍，店員服務周到禮貌，會即時補茶水，可能因為位置比較偏，要答多程巴士先到～星期二夜晚唔算太多人，唔洗等位。
店裡氣氛好好，同同事一邊食一邊傾計，不知不覺傾咗一個鐘，開心返歸！非常啱哂打工仔放工後黎chill嘅小店～😗
飲品：
自家製檸檬綠茶🍵
呢杯檸檬綠茶比起平時飲嘅檸檬茶甜度低啲，唔會太酸，綠茶嘅味道同佢好融合，好清爽，好飲！有帶俾我驚喜！
巨峰提子梳打🍇
呢4隻字對我黎講實在太吸引，所有同親巨峰提子有關既野食我都好鍾意🤣🤣飲落好清甜，幾重提子味，加埋平時自己鍾意飲梳打🫣正正正
前菜
牛油果三文魚沙律
係今年食過最好食既沙律🤣。
首先，沙律嘅配料好新鮮，有啲出面買嘅沙律菜會有種苦味，但呢個完全冇，特別清甜。🤓 三文魚肉質細滑，口感鮮美，同新鮮嘅沙律菜、蕃茄、三文魚籽同埋牛油果搭配，冇油膩嘅沙律醬，簡單調味後加埋碎芝麻，反而突出咗食材本身嘅美味。可以話係健康同好食😋，非常推介！
山田灣石蠔
第一次食如此大隻嘅生蠔🦪，作為生蠔愛好者一本滿足🤤，只能用一個鮮字形容，滿嘴都係大海嘅清新味道，擺盤都好用心，從視覺到味覺衝擊力都好強！🤪
上網查到山田灣石蠔係日本岩手縣嘅一種特產海鮮，生長喺岩手山脈嘅山水之間，水質清澈，富含豐富嘅營養成分，更加突出咗佢哋嘅鮮味。生蠔愛好者一定要試啊啊啊啊啊啊啊啊啊！💖💖💖
主食：
福岡凍蕎麥麵
食落去我覺得有啲surprise!!!💖
本身諗住咪好似冷稻庭烏冬咁，淨係有啲汁，無乜特別
點知！食落去啲麵好有咬口，賣相又好靚😆😆🥰我覺得碗麵瞬間加咗好多分🤣🤣
我平時食開嗰啲麵/烏冬通常都淋晒。。。
加埋隻滑滑溫泉蛋，成件事好正！！啲汁既調味啱啱好👍🏻👍🏻
全雞串燒：
全部都係即刻燒起的！熱辣辣！
雞心：
作為唔係所有人都能夠接受嘅食材，無論點樣處理都難免會有啲腥味，不過我就係鍾意呢種獨特嘅內臟味😋，同之前喺台灣居酒屋食過嘅烤雞心對比，呢個處理得更加細緻，已經令雞心本身既味道柔和咗好多，特別啱做下酒菜！可惜最近身體唔好，唔可以飲酒⋯⋯下次一定要試！當然，平時唔愛食內臟嘅朋友就唔推薦嘗試啦🤣
雞頸：
佢係經常轉動嘅部位，肥瘦交替，同其他部位比會更加有彈性，而且呢間店嘅調味恰到好處，唔會太淡，亦唔會掩蓋食材本身嘅味道，可以感受到廚師嘅用心👍。
雞翼：
我仲食緊其他野食嗰陣就有串燒黎到喇，所以都攤左一陣先食，諗住野食凍左，會冇咁好食，點知每啖咬落去，塊皮仲脆緊🤫
好正😂😂啲雞肉仲係嫩口唔鞋🤤🤤🤤
雞皮：
燒完出黎又幾香口喎 唔錯唔錯
免治雞肉棒：
有生醬油+雞蛋咁點黎食，食落去啲肉好實在，每啖都好滿足😎加埋個醬汁，其實就好似食緊燒汁雞肉串咁～
張貼
