醉胡爐 (已搬遷) 新店位置

打邊爐圍埋一齊烚烚下實在開心，不過就最怕去啲比較迫夾，同隔離枱靠得好近嘅餐廳；今次去呢間火鍋店坐得非常舒適，店舖開揚，如果三、四位仲有獨立房間添🫕胡椒豬肚花膠雞鍋$ 328大大件花膠一次放哂落個鍋底度，煲到軟腍滑溜食好正；雞件因為已經熟左，所以煮熱就食得，都幾爽口；湯底裏面好多咸菜及枝竹，而且個湯頭非常濃郁，胡椒味勁濃，鍾意胡椒湯嘅朋友一定喜歡🥢手切頂級安格斯肥牛（小）$298油花分佈平均，但食落又唔會太肥，軟腍得嚟又略帶質感🥢醉胡爐五寶丸$128黑松露墨魚丸 – 松露味濃郁，口感超爽彈，正😋蟹籽蝦丸 – 蝦味鮮夠又爽彈手打墨魚丸 – 裡面有一粒粒墨魚，非常好趙頭手打炸菜牛丸 – 牛丸牛味濃並帶炸菜嘅咸香，比普通牛丸多份層次梅菜豬肉丸 – 梅菜甜香，加埋豬肉，似曾相識嘅梅菜肉餅，好味🥢即叫即炸響鈴$68炸得香脆又輕身，食落唔油膩，吸湯後食都好正🥢醉胡爐五寶餃$128西洋菜餃 – 裡面有大量西洋菜同時亦有馬蹄，所以食落爽脆而且仲好有西洋菜味添😆手工雲吞 – 大大隻蝦爽口彈牙又多汁黑松露蟹肉餃 – 咬開一口爆汁松露味，裏面好多菇菌，而且餡料仲好rich好 creamy添🤩自家製韮菜餃 –