喜聚燒 (已結業)

今日約左朋友黎到尖沙咀覓食，諗住睇下邊度有d串燒可以食下chill下，最後決定黎到位於10 Part 8樓嘅喜聚燒食好西。上到嚟餐廳環境都幾闊落，而且氛圍幾好，好啱同fd吹水食野。。我地叫左吾少野食，有肉有海鮮又有雞，海陸海空齊晒。鑊仔麻辣雞都幾大份下，睇落紅紅火火，一睇就覺得惹味，食落好夠麻同辣，而且肉質好嫩，愈食愈過癮。-海鮮我地食左珍寶大扇貝、貴妃蚌、白鱔，樣樣都又大隻又新鮮，食落點勁彈牙，大扇貝、貴妃蚌上面仲舖滿左粉絲，粉絲索晒d味，超正。而白鱔都幾吾錯，外皮燒得好焦香，咬口又多汁嫩滑。-另外，我叫仲叫左勁多肉肉，有雞翼、牛肚、豬頸肉、五花腩、大腸等等。當中我最鍾意雞翼同大腸。雞翼入面係釀左明太子，雞中翼嘅部份冇骨，入面都係滿滿嘅明太子，超有驚喜。麻辣大腸更加冇得輸，夠麻又夠辣，大腸肥瘦啱啱好，食落入味得嚟又有口感，冇得頂。