薩莉亞意式餐廳 (良景廣場) (已結業)

好耐好耐無食薩利亞了。行過諗緊食乜之際，見到薩利亞無人排隊，實在太難得了！所以行左入去。薩利亞咁多年都無變過，一樣的餐牌、一樣的座位、一樣按鐘叫職員落食物，總是有一種舊舊的感覺。幸好望落周圍都是乾乾淨淨的。自己一個人食，叫左一客肉醬多莉亞（＄27）同一客芝士焗薯角（＄17），食物係用兜上，焗到熱辣辣咁，好好食！食到飽飽都係俾＄44！抵到爛！不過去食薩莉亞有一樣野唔係咁好，就係要飲野就要加錢買飲品吧（＄13），個人覺得好難飲得返回本！所以我都係決定飲水就ok！