影片
更多
2024-12-02
126 瀏覽
記得呢間餐廳啱啱開業嘅時候係立食冇凳坐，後尾唔知係咪都係迎合返市場又加返晒啲凳😹今次晏晝5:30入到餐廳，發現竟然有下午茶套餐優惠，而且價錢仲要勁抵。我叫咗一個刺身定食連埋湯、沙律都只係$75，足足有五款刺身，每款有兩片，而且都厚切，完全冇將貨就價，以呢個質素嚟講，呢個價格係超級超級抵。朋友就叫左個都係下午茶餐嘅精選壽司成盒，8件壽司，仲要有一件係海膽軍艦，一樣都係包埋湯同沙律，當以為已經上完成個餐嘅時候，師傅又上一碗細碗嘅烏冬，朋友食完呢個下午茶餐真係飽到上心口。除咗下午茶餐之外，見到佢嘅限定款入邊有生蠔，平平哋$38 1隻，又叫咗一隻嚟試吓，雖然唔算好大隻，但肉質非常爽，有微微海水味但又唔會好咸。另外仲叫咗一個白子小食，白子其實即係魚嘅精巢，好多人一聽到都唔敢食，但其實白紙個口感好正，非常Creamy，配埋個條味醬汁一流。而家知道佢有咁抵嘅下午茶餐，下次去都一定會要喺六點之前入去幫襯🤣🤣
我叫咗一個刺身定食連埋湯、沙律都只係$75，足足有五款刺身，每款有兩片，而且都厚切，完全冇將貨就價，以呢個質素嚟講，呢個價格係超級超級抵。
朋友就叫左個都係下午茶餐嘅精選壽司成盒，8件壽司，仲要有一件係海膽軍艦，一樣都係包埋湯同沙律，當以為已經上完成個餐嘅時候，師傅又上一碗細碗嘅烏冬，朋友食完呢個下午茶餐真係飽到上心口。
除咗下午茶餐之外，見到佢嘅限定款入邊有生蠔，平平哋$38 1隻，又叫咗一隻嚟試吓，雖然唔算好大隻，但肉質非常爽，有微微海水味但又唔會好咸。另外仲叫咗一個白子小食，白子其實即係魚嘅精巢，好多人一聽到都唔敢食，但其實白紙個口感好正，非常Creamy，配埋個條味醬汁一流。
而家知道佢有咁抵嘅下午茶餐，下次去都一定會要喺六點之前入去幫襯🤣🤣
張貼
