和牛燒肉一郎 (新都城中心二期) (已結業)

老公既燒肉癮又起，近近地去屋企附近食和牛燒肉~我地叫左C餐，3百幾蚊可以任飲任食，包左兩款黑毛和牛，澳洲M9薄灸，仲有另外4款特選牛，海鮮、豚肉仲有雞肉!兩款黑毛和牛分別係和牛牛肋肉同和牛牛脊肉，兩者牛肉味都好濃又唔會感覺好肥膩、但我自己私心最愛係澳洲M9薄灸，牛味係最濃而且薄薄一片，燒完卷起食，口感極好又香濃!另外特選牛分別有牛肋肉、牛里脊肉、薄灸里脊肉，燒起果下點埋醬汁食真係一流~如果驚食得太滯仲可以加生菜包住~雞肉私心推介雞腿肉，肉質嫩滑多汁，一D都唔鞋口!我地仲叫左個溫泉蛋飯，撈埋蛋汁食，再加上紫菜碎真係一流~最後出面拎埋雪條食就真係完滿~老公表示非常滿意!