影片
更多
2023-04-12
352 瀏覽
而家打邊爐都幾難搵到一間可以任飲任食又冇限時呀! 服務正, 有靚景, 望維港夜景, 咁好咁舒服嘅店舖, 啤酒, 白酒, 紅酒都可以任飲喎! 仲要地點係銅鑼灣鬧市喎! 哼… 終於比我搵到啦. 係金朝陽中心2期29樓呀! 放工仲約埋三五知己一齊聚下咩!任食美國安格斯Prime Grade牛頸脊套餐 - $418 (星期日至四)呢個套餐真係抵食呀, 鐘意食牛嘅朋友一定要揀呢個。唔只牛肉靚, 仲可任食, 套餐包好多食物, 有前菜, 主菜, 加錢食埋時令海鮮併盤, 肉類, 特選手工火鍋併盤, 手工即炸響鈴卷併手工即炸海苔鹹蛋黃魚皮, 無限追加精選火鍋配料, 無限追加所有飲品, 仲有甜品 (醬料每位$30, 另收加一)前菜台灣直送配料, 手工蒜泥口水手撕雞(微辣), 秘製麻辣木耳。兩款都好開胃小食, 等開爐時一邊傾, 一邊食, 啱哂!主菜有辣有不辣, 有海鮮, 有肉類, 接近有20款唔同組合嘅湯底。我地揀咗最多人叫嘅冬瓜卜卜蜆海鮮鍋, 一鍋有埋瓜菜又有海鮮, 超正。鍋裡放滿好多紅棗同松蟲花, 好似養生中湯咁, 中間有個環形冬瓜盅放滿卜卜蜆。 冬瓜盅配海鮮, 令到個湯底好鮮甜, 未打邊爐都已經飲了
任食美國安格斯Prime Grade牛頸脊套餐 - $418 (星期日至四)
呢個套餐真係抵食呀, 鐘意食牛嘅朋友一定要揀呢個。唔只牛肉靚, 仲可任食, 套餐包好多食物, 有前菜, 主菜, 加錢食埋時令海鮮併盤, 肉類, 特選手工火鍋併盤, 手工即炸響鈴卷併手工即炸海苔鹹蛋黃魚皮, 無限追加精選火鍋配料, 無限追加所有飲品, 仲有甜品 (醬料每位$30, 另收加一)
前菜
台灣直送配料, 手工蒜泥口水手撕雞(微辣), 秘製麻辣木耳。兩款都好開胃小食, 等開爐時一邊傾, 一邊食, 啱哂!
主菜
有辣有不辣, 有海鮮, 有肉類, 接近有20款唔同組合嘅湯底。我地揀咗最多人叫嘅冬瓜卜卜蜆海鮮鍋, 一鍋有埋瓜菜又有海鮮, 超正。鍋裡放滿好多紅棗同松蟲花, 好似養生中湯咁, 中間有個環形冬瓜盅放滿卜卜蜆。 冬瓜盅配海鮮, 令到個湯底好鮮甜, 未打邊爐都已經飲了半碗湯啦。
時令海鮮併
有珍寶美國桶蠔, 游水大海蝦, 馬刀貝, 卜卜大蜆, 原隻鮑魚。但我地見到原本個餐都好多野食, 怕食唔哂, 最後冇叫。
肉類
可選美國安格斯Prime Grade 牛頸脊, 或者西班牙伊比利亞黑毛豬肉。我地選咗美國安格斯Prime Grade 牛頸脊, 手切牛頸脊肉, 每塊都係完整冇斷裂嘅, 厚度又適中, 肥瘦適中, 色澤紅潤, 牛味同口感都好好。滾一滾即食, 又唔”嚡”, 都幾香牛肉味, 要追加。
101特選手工火鍋拼盤
有墨魚汁烏結糖, 太極冬菇, 黑松露蟹子海鮮軍艦 (豆卜釀黑松露蟹子魚滑), 三重芝士鮮製蝦丸。手工拼盤全部都幾特別, 我幾鐘意佢嘅三重芝士鮮製蝦丸, 又爽口又彈牙, 爆醬芝士, 好正呀! 打邊爐會烏結糖? 非也…. 只係墨汁膠, 做到好似粒糖咁。墨魚汁烏結糖, 雖然樣子黑色的唔吸引, 但原來一食落去係墨汁墨魚滑啲口感仲有超爽彈, 中間微微有些爽口墨魚粒, 好有口感呀!
手工即炸魚皮響鈴
炸魚皮, 炸超大響鈴, 口感輕薄鬆脆,, 又香, 不放湯都好味。海苔鹹蛋黃魚皮, 超重咸蛋黃味, 脆卜卜, 係咁食好正, 佐酒都一流呀!
精選火鍋配料, 所有飲品就用電話自己落單, 都有幾十款配料係任食, 部分食材仲要係台灣直送, 手工魚滑肉丸, 手工餃子, 蔬菜及粉麵類嘅菜式都有, 配料嘅份量都係一份有三件。老實講, 食咗個湯鍋主菜, 前菜, 肉類及手工即炸魚皮響鈴都已經飽咗大半啦。我地再叫咗其他手工配料, 有娃娃菜, 章魚餅, 花枝丸, 魚皮餃, 墨魚春卷, 濃汁牛丸, 手工安格斯牛肉丸, 帆立貝等都已經好滿足了。
仲有超多款巨型台式特飲任飲, 飲品推介可樂烏梅沙冰, 我叫咗雪碧烏梅沙冰, 酸酸甜甜好解膩, 好大杯, 好特別, 好飲! 朋友叫咗巨峰提子水果冰茶, 台式水果冰茶真係好飲。另外見到其他客叫咗啲盤栽珍珠飲品都幾特別。紅白酒都係任飲呀! 最後我都叫咗杯甜白酒Chateau Pierron Moelleux飲下先, 容易入口, 唔錯!
呢個價錢唔限時望維港夜景任食任飲, 食物同飲品都性價比高, 有心思, 真係好抵。見佢lunch時間啲套餐都係$60左右一人一鍋, 下次真係要試下呀!
#101手工涮涮鍋#銅鑼灣美食#銅鑼灣#銅鑼灣火鍋#放題火鍋#香港美食#香港小店#食好西#香港食評#hkfood#hkfoodie#hkrestaurant#任飲任食#啤酒紅白酒任飲#美國安格斯牛頸脊#台式特飲#手工邊爐配料
張貼
