101手工涮涮鍋 (金朝陽中心二期 - Midtown)

營業中

休息中

天氣涷涷地，打邊爐係最好的事情🤩 銅鑼灣市中心找到抵食午市套餐$61 包1款湯底，3款餸，1款麵+1杯冷熱飲品🤩 落單後好快就送上爐同小鑊，小鑊放滿已選的麵同餸，開爐就一邊煮一邊等食😋 要幾熟就自己控制👍點了三杯雞湯底（辣）初頭食都接受到辣度，點知越煮越辣😜 台灣渝川拉麵入口爽滑👍 盆栽炭燒咖啡珍珠同盆栽特濃朱古力珍珠好大杯🤩飲完都飽咗一半😜這裡環境舒服，枱面幾大唔覺迫，卡位旁邊是落地大玻璃靚景😊 透光度十足👍 我地午市入坐限時60分鐘有少少趕， 由12：00左右陸續多人入坐，好快已坐滿了大半場😋

其實101都食過好幾次，今次先記得同佢寫個食評🤣🤣。今晚雖然星期四，但係都見到有九成左右滿座⋯⋯呢度賣點係餐廳位置好，紅白酒水雞尾酒果茶冇洒精飲品等等就可以任飲任叫無限量供應，又冇限時間可以坐到尾，食物方面其實佢個鍋底係唔錯，加埋幾多選擇，第一輪套餐的食物例如牛肉等等嗰啲都唔錯⋯⋯但應該係成本問題下，所以之後放題的食物真係弱少少，但係整體而言，如果想傾成晚，想睇吓維港景色，又可以無限酒水供應，係一個唔錯嘅選擇⋯⋯今次叫左個冬瓜卜卜蜆鍋底，味道真係唔錯，不過啲蜆唔係好大隻⋯⋯飲品方面都唔記得咗飲咗啲乜嘢😂😂因為太多🙈不過推薦佢啲果茶同汽水冰真係唔差又大杯，酒方面飲咗好多，不能盡錄😂😂😂食物方面就一如過往啊，好似我上文咁講…. 食食吓可以出去露台望吓維港景色👍👍埋單兩個人約$500一位，由六點坐到十一點半⋯⋯

是日平日，12點walk in到，撞正放lunch時間，人多到一個點。衝著大大杯嘢飲來食，一於照等。繁忙時間限時用餐1小時，所以最後等左半個鐘就可以入座了。1款湯底+3款餸+1款麵+冷熱飲品=$61（另收加一服務費）湯底有幾款選擇：麻辣、香辣、豬骨、蕃茄等等。叫左個香辣三杯雞湯，湯底唔辣，味濃。自選3餸：沙茶滑牛片、白蘿蔔、墨魚春卷。沙茶牛入味同好食。1款麵：米線，由於一路滾住，米線會發脹得好快，所以要盡快夾起。飲品好吸引，又多款又大杯，最後揀左金橘檸檬水果冰茶，不過不失。環境闊落，坐到窗邊位就可以有廣闊視野景。整體感覺就係食緊一碗熱著嘅米線🍜。

101係我食得最多次數既任食火鍋，真心推介👍🏻夜晚任飲任食價錢由HK$418 + $30 醬料費起可以由18:00hrs 食到 00:00hrs呢個價錢可以食飲6個鐘，坐得又舒服又唔駛趕住走，真係冇得輸😍 佢出面仲有個戶外露台，方便客人可以隨時出去呼吸，仲可以欣賞維港景色🥳每2位會送一碟手切牛頸脊或西班牙黑毛豬手工即炸響鈴卷及炸鹹蛋黃魚皮都係送每人一份普通牛肉同豬肉片就可以任叫，仲有好多唔同款式嘅火鍋配料，Scan QR code就可以落單非常方便👍🏻食物質素都非常好！飲品方面都好出色，鍾意飲酒嘅真係唔可以錯過，有任飲紅酒、白酒、生啤、Cocktail。唔飲酒都有好多茶同奶茶選擇，勁多款式👏🏻 會繼續支持🍻

午餐的火鍋，平係平的！大約一個自選火煱，湯底有得揀，追加每樣餸大約$10-15，加埋飲品。味道都可以。但最差只有一小時進食時間，又要等佢送上大約10分鐘，真係食到趕頭趕命，未食完，已經係咁吹😂其實再理想D，應該1小時15分鐘比較好☺️

差唔多1年無黎食101啦🤣 今日天氣凍，lunch time打個邊爐先😙呢度食lunch好抵食，揀三個餸、面底湯底連埋飲品，都係$6x ，另加一，而且啲飲品真係大大杯的🤭呢一日我揀咗沙茶湯底，拉麵、配料揀咗Q彈魚腐、午餐肉、蜂巢豆腐，同埋深海魚柳。 對的，因為我驚唔夠飽，所以加多咗一個餸😹 沙茶湯好香花生味，食物份量好足夠，Q彈魚腐很推薦😆 食飽飽真係暖笠笠🥰飲品方面，揀咗朱古力珍珠盆栽🪴 朱古力味好濃郁🤗 職員態度就一般，見我熄左火，應該係第枱客爭一個爐，無啦啦來拎起我哋嘅嘢食，拎走個爐都無同我地講一聲😥🫣但食物整體水準有保持到😆 不錯！

第一次上嚟食飯，三點幾入座，食咗大約15-20分鐘，就有職員走過嚟話要清潔，叫我哋快啲食。隔幾分鐘又有第二個職員嚟重複一次，總共提醒咗三次。問題係，我哋已經同你啲職員講咗，我哋已經好快食緊㗎喇。食個飯都趕住投胎咁，真係離譜！🔥最嬲嘅係，安排我哋入座嗰陣，完全冇人講過呢個時段要清潔，如果早啲講清楚，我哋根本唔會入嚟。另外，你哋自己寫住用餐時間60分鐘，但食到一半就催到咁，真係破壞晒心情！希望以後安排同溝通可以清楚啲，咁樣對客人真係好唔尊重。

已經第四次食呢間火鍋，雖然有點貴，但質素及服務的確值得，奈何今次發現湯底火鍋內的食物量比之前少了很多，的確有少許退步！不過，服務質素依然能夠保持！如果大家想找一間坐得耐又有質素的火鍋店，這間始終是我推介的！

食過兩次 67蚊lunch有得喺cwb打邊爐仲有嘢飲性價比相當高 味道都唔錯 服務一般 但呢個價錢冇投訴 邊爐界茶記得閑會再去 一次平日晏就都多人 另一次星期日就直入 希望下次有機會可以坐窗邊啲位

朋友生日去左銅鑼灣打邊爐有房坐可以有自己空間一黎到就有麻醬麻辣手撕雞同麻辣木耳做前菜🤗每2位可送一碟牛頸脊或黑毛豬🐂🐖另外每位會送墨魚汁烏結糖，黑松露蟹籽海鮮軍艦太極冬茹，三重芝士鮮製蝦丸，手工即炸響鈴及炸海苔鹹蛋黃魚皮😎黃金炸魚皮好好食冇得輸😝火鍋配料款式多飲品有汽水沙冰，水果茶，盆栽奶茶系列仲有雞尾酒紅酒白酒啤酒任飲啤酒仲要係生啤Orion🍻仲有一個戶外露台可以睇到維港夜景🌃食完仲有糖水送飽住走🤰🏻任飲任食方面質素好好👍🏻適合一大班人嚟食飯🤙🏻

101手工涮涮鍋 ，位於銅鑼灣登龍街1-29號金朝陽中心二期 - Midtown 29樓。 朋友生日我一早已經訂位， 餐廳環境舒適，我哋坐的卡位仲可以望到維港靚景。 當晚星期六我們點了美國安格斯牛頸脊套餐$458位， 醬料$30位。 📌前菜 手工麻醬麻辣手撕雞 & 秘製麻辣木耳， 兩款前菜都好惹味又開胃。 📌鍋底冬瓜卜卜蜆海鮮鍋， 湯底鮮甜，卜卜蜆新鮮冇沙。 📌肉類手切牛頸脊的肉味夠濃，質感嫩滑。 西班牙伊比利亞黑毛豬的口感極柔軟，肉汁可口。📌火鍋拼盤墨魚汁鳥結糖、太極冬菇、黑松露蟹籽海鮮軍艦、三重芝士鮮製蝦丸， 坐低不久已經送上火鍋拼盤， 四款味道都不錯。 另外可用qr code落單點其他火鍋配料， 我推介花膠，厚切美味。飲品有紅酒、白酒、 雞尾酒和無酒精飲品， 款式很多，無限時任飲任食， 性價比高。 🏷️溫馨提示～ 整個用餐體驗均屬個人分享意見， 只作參考😊。

銅鑼灣午飯高性價比必選大概$60就嘆到海景，一人一鍋餐廳位於登龍街Midtown樓底極高不過要留意番就真係超多人排隊基本上12.3前到達先會安全$60有可以請三個餸一個麵或者飯最重要係佢可以配一個超特色飲品例如珍珠奶茶、可樂沙冰樽裝可樂有多種湯底可以選擇我最愛嘅就係蕃茄湯底同埋麻辣食材推介係雞件、台灣嘅辣肉腸、金菇同埋娃娃菜麵底通常會選瑜川拉麵或者米線越煮越入味餐廳午餐限時一個鐘上菜速度快唔使趕頭趕命基本上45分鐘都可以食完

父親節晚飯，好搵笨價錢貴了很多海鮮籃也沒有了（問咗點解員工都唔知講乜嘢）最離譜是火鍋醬料要額外收 $30 一位（仲要係用咗先話俾你聽)食物質素比以前差坐的位置也很狹窄，人家話坐到腳痹永不回頭

餐廳位置位於銅鑼灣，地鐵站行過去大概係5分鐘，佢喺A出口嗰邊最快，位於登龍街，餐廳都採用任飲任食嘅模式，價錢嚟講只有兩個餐可以選擇，我哋就揀咗平日比較平嘅$419，所有酒精飲品同埋食物都無限添加，呢個價錢嚟講唔算太貴，佢酒精嘅種類非常多，包括有紅酒白酒cocktail, 鍾意飲啤酒嘅朋友亦都有Orion drafted beer, 而且有即叫即整嘅台式飲品同埋其他特色飲品，當然仲有汽水！食物方便到非常高質，有少少美中不足係呢一個價錢冇海鮮，要另外加錢，個人嚟講鍾意佢嘅手切肥牛，味道做得好好，而且牛肉味非常香濃，墨魚滑亦都係非常推介！

Went here twice. The first time was for class gathering, while the second time was with colleagues. .For the first visit, all of us ordered the Handcraft Shabu Shabu Set. Since we had more than 10 people, we were allowed to choose three types of soup bases. We decided on mala, sukiyaki, and pickled vegetables with pork.The set also included appetizers, such as Shredded Chicken in Spicy Sesame Sauce and Fungus. The chicken was cool and well-marinated.The set offered a wide variety of ingredients,