韓燒大叔

營業中

休息中

老公超鍾意食韓牛，今次我哋去咗旺角嘅“韓牛大叔”食自助午餐。$168就可以任食14款肉、13款韓國小食、9款海鮮，仲有自助區嘅蔬菜燒物、雪糕同甜品，呢個價錢真係好抵！肉質方面真係好好，牛味濃得嚇人！我哋最鍾意牛肋骨同安格斯下肩胛，仲有豬頸肉，足足再叫咗幾輪。小食方面全部都好啱我哋口味，仲要即叫即整，熱辣辣🔥！柚子單骨雞翼同炸雞軟骨，真係無得輸～海鮮方面都好新鮮，燒嘅八爪魚仔同魷魚真係好好味！佢哋用QR碼落單，超方便，完全冇漏單嘅問題！大家都知，任食最驚就係漏單。落單後上菜速度都好快👍🏻。四人或以上仲會送醬油八爪魚🐙，下次一定再去食！