影片
更多
2013-10-22
1964 瀏覽
我哋遊車河行大運, 由將軍澳遊到烏溪沙. 天氣涼涼地, 有人提議去沙角邨大排檔打邊爐. 二話不說就直駛落沙田. 泊埋車都係六點零鐘, 只有兩枱開餐. 我哋揀咗個近攞嘢食又近收銀又睇到電視嘅位.任飲任食三個鐘, $73.00一位 (大小同價), 另加湯底$48.00一鍋 (有清湯/芫茜皮蛋/鴛鴦)出面有好多款生料啊! 淨係丸都有N種, 如果每樣試一粒都幾頂肚. 我哋當然唔會咁傻啦, 只揀幾款丸試, 雖然係街市貨式, 但都叫唔錯喇, 都唔算太粉, 牛丸, 豬肉丸仲幾爽口添.另外仲有浸發海參/花膠/青口/脆肉鯇/魷魚......百厭仔食咗好多炸魚皮, 真係好脆, 正! 我自己都食咗唔少呢! 仲有蝦/蜆/東風螺, 我哋就係主攻呢啲海鮮喇. 蝦雖然有幾隻梅梅地, 但大致上都鮮甜. 蜆, 東風螺都好新鮮, 正! 任飲嘅係罐裝汽水, 如果有無汽嘅飲品就好囉. 雖然話任食三個鐘, 但我哋食咗兩個零鐘就投降了, 埋單走人, 費事阻住下一輪嘛! 埋單每人$85.00咋, 相信而家要一百蚊以下又要任飲任食嘅, 都幾乎絕種了!捧住個肚走, 超滿足!
任飲任食三個鐘, $73.00一位 (大小同價), 另加湯底$48.00一鍋 (有清湯/芫茜皮蛋/鴛鴦)
出面有好多款生料啊! 淨係丸都有N種, 如果每樣試一粒都幾頂肚. 我哋當然唔會咁傻啦, 只揀幾款丸試, 雖然係街市貨式, 但都叫唔錯喇, 都唔算太粉, 牛丸, 豬肉丸仲幾爽口添.
另外仲有浸發海參/花膠/青口/脆肉鯇/魷魚......百厭仔食咗好多炸魚皮, 真係好脆, 正! 我自己都食咗唔少呢!
仲有蝦/蜆/東風螺, 我哋就係主攻呢啲海鮮喇. 蝦雖然有幾隻梅梅地, 但大致上都鮮甜. 蜆, 東風螺都好新鮮, 正!
任飲嘅係罐裝汽水, 如果有無汽嘅飲品就好囉. 雖然話任食三個鐘, 但我哋食咗兩個零鐘就投降了, 埋單走人, 費事阻住下一輪嘛!
埋單每人$85.00咋, 相信而家要一百蚊以下又要任飲任食嘅, 都幾乎絕種了!
捧住個肚走, 超滿足!
題外話/補充資料：
--有人話叫極都無人換氣, 可能我哋坐近收銀, 我哋一揚手, 事頭婆已叫人幫手. 又會主動加湯, 係執碟就慢咗少少, 但整體服務都算幾好.
--七點開始已爆棚, 要開枱坐出面, 所以早嚟有得揀個好位係好重要呢!
--另外載食物嘅碟唔太乾淨, 有待改善.
(以上食評乃用戶個人意見 , 並不代表OpenRice之觀點。)
張貼
