組長日式放題 (已結業)

上個禮拜同幾個朋友趁有facebook優惠用一佰二十八蚊享受左一餐又豐富又開心的放題。整體質素相當唔錯,最重要係呢個價錢真係好抵食, 款式都夠, 一般放題有嘅, 佢都差吾多有，刺身呀壽司呀串燒呀鐵板燒…刺身都算新鮮, 雖然有啲款個size細小小, 但味道都鮮甜。我個人比較欣賞佢味牛柳粒, 豬頸肉, 好香好有肉汁,好好手勢。雖然啲服務員冇乜passion, 但我地叫得多,都冇乜漏單, 都上得好快。汽水呀雪糕呀都有, 但冇乜選擇，冇乜所謂，反正個肚都冇位放。餐廳環境企理, 但座位有小小窄, 都係一般餐廳咁囉。下次想大食一餐日式嘢，都会再黎!