101肉燥飯專門店 (厚福街) (已結業)

睇佢個名應該會同佢隔離間分店搞錯，但其實呢間先係食一人火鍋個間～夜晚食一人邊爐超抵食，都係60幾蚊，加肉加野飲都係加多幾蚊佢有好多好多款揀，因為我鍾意食蜆，所以一見到個menu就二話不說咁揀左卜卜蜆火鍋。個火鍋超足料，有蜆，豆卜、玉子豆腐、蟲草花、椰菜等等，我仲令外加左碟牛肉。飯麵就個餐包既，我揀左公仔麵，食完真係超級飽。再加埋杯水蜜桃紅茶，真係滿足哂！埋單都只係80幾蚊，仲食到飽一飽，完全唔洗再另外加料，抵到爛啦！