影片
更多
2024-09-07
2590 瀏覽
今次黎到佐敦呢間餐廳打邊爐，佢地呢度有個超抵食二人打邊爐套餐，上網睇d環境仲要好靚，咁抵食又舒服梗係要過黎食番餐啦😆超值二人套餐（$288）呢個二人午市晚市係一樣價錢，晚市就要收加一同醬料費，午市已包，佢個餐都包左喎少野食，我地叫完餐，店員會送上蘋果綠茶，依家咁熱，坐低有杯野飲真係爽🍵湯底我地揀左四川麻辣同菇菌清湯，鴛鴦湯底都唔使加錢，個人好鍾意呢個麻辣湯底，夠曬辣又唔會好油淋淋，清湯就可以食下菇同蕃茄又可以中和下麻辣湯底🌶️🫕特選牛肉2碟牛肉都有2碟，一人一碟一定夠食，佢就唔係肥牛黎既，質素似係牛板腱既水準，相對少肥肉，濃d牛味🐮台灣鴨血（4件）呢個同麻辣湯底勁夾，落去麻辣湯果邊淥完食，變成麻辣鴨血好滋味😋中山脆骨腩（4件）脆骨腩都幾多肉，肉質夠脆，放落湯唔好煮太耐🐟午餐肉粟米餃（4粒）隻餃個賣相幾靚，味道都唔錯，有午餐肉既味道，再有粟米粒既口感，有d新奇既感覺🥟蟹籽墨魚丸（4粒）呢個丸既蟹籽係混入埋粒墨魚丸，平時食開多數係蟹籽放面裝飾多，放到落湯會散開唔見左，而呢粒融入左既令到真係食到蟹籽既粒粒口感，令到墨魚丸更好食🍡芝士腸有成10條咁多，實夠食，而佢味道冇咩特別，正常水準👌🏻時令蔬
超值二人套餐（$288）
呢個二人午市晚市係一樣價錢，晚市就要收加一同醬料費，午市已包，佢個餐都包左喎少野食，我地叫完餐，店員會送上蘋果綠茶，依家咁熱，坐低有杯野飲真係爽🍵
湯底我地揀左四川麻辣同菇菌清湯，鴛鴦湯底都唔使加錢，個人好鍾意呢個麻辣湯底，夠曬辣又唔會好油淋淋，清湯就可以食下菇同蕃茄又可以中和下麻辣湯底🌶️🫕
特選牛肉2碟
牛肉都有2碟，一人一碟一定夠食，佢就唔係肥牛黎既，質素似係牛板腱既水準，相對少肥肉，濃d牛味🐮
台灣鴨血（4件）
呢個同麻辣湯底勁夾，落去麻辣湯果邊淥完食，變成麻辣鴨血好滋味😋
中山脆骨腩（4件）
脆骨腩都幾多肉，肉質夠脆，放落湯唔好煮太耐🐟
午餐肉粟米餃（4粒）
隻餃個賣相幾靚，味道都唔錯，有午餐肉既味道，再有粟米粒既口感，有d新奇既感覺🥟
蟹籽墨魚丸（4粒）
呢個丸既蟹籽係混入埋粒墨魚丸，平時食開多數係蟹籽放面裝飾多，放到落湯會散開唔見左，而呢粒融入左既令到真係食到蟹籽既粒粒口感，令到墨魚丸更好食🍡
芝士腸
有成10條咁多，實夠食，而佢味道冇咩特別，正常水準👌🏻
時令蔬菜
我地當日食既係生菜，質素幾靚，夠綠冇爛就滿意，所以我好滿意🥬
日本烏冬
烏冬都有兩餅，質素唔錯，食落唔似用平貨，似我自己都會買番屋企既款式🤪
呢個2人餐真係好抵食，兩個人食絕對夠飽，餐廳環境好，食物質素好，性格比高，有魚有肉有菜，有主食，連埋鴛鴦湯，原價寫$689都唔過份，$288真係做爛市價，趁佢個優惠仲有，大家快D黎食😉
張貼
