日和号壽司料理 (已結業)

雖然我好鍾意食日式野，但壽司刺身我本身比較少食。最近去公司附近食飯，見到【日和號壽司料理】做壽司/軍艦/刺身半價優惠，所以就去試下啦！ 刺身：叫左三文魚腩、甘海老，八爪魚同帶子刺身。整體黎講刺身都算新鮮。個人推薦三文魚腩同甘海老。三文魚腩無咩腥味，好肥美。甘海老好鮮甜爽口！ 壽司+軍艦總共叫左12款，個人覺得軍艦3款都偏鹹！雖然紫菜好新鮮同好脆，但我覺得除左三文魚籽，其他可以skip。 另外會比較推薦親子花之卷（三文魚+三文魚籽），好香，而且好足料。其他就依個人喜好叫就ok。 半價熟食就得炸八爪魚丸，外脆内軟，而且新鮮整起，都非常唔錯。 飲品就無半價，但都叫左一杯白桃乳酸梳打。 以半價既價錢黎講，CP值好高。有機會可以再戰！