影片
2022-12-21
178 瀏覽
📌 滿滿丼 - 旺角通菜街1M-1T號華發大廈地下D號舖🗓(21/12) 星期三 ⏰ 晚上7點左右 💈特式：呢間日式丼屋位置好方便，就係旺角登打士廣場行入少少，主打丼飯同小食，性價比真係超高，平到好似3餸飯咁嘅價錢，但質素又唔差。🥩🍔🌭🌮🥗🥯🥘🍲🍝🍣🥟🍤🍱食物：因為今日工作忙無食lunch，所以特別肚餓，兩個人叫左各一個丼set，個set除左丼飯仲包左一份小食同飲品或味噌湯，我另外仲叫多左4份小食，總數有6個小食，等我同大家講下🍱味道先。蒜片一口牛柳粒丼 - 呢個丼只店員推介，咁就信下佢啦，仲會配埋4選1嘅涼拌菜，我就揀左泡菜，我一開始估個價錢咁平，個丼飯份量應該偏細，但結果又唔係，份量都有返咁上下，牛柳粒都唔少，牛柳粒油脂好豐富，肉味都幾香，配埋蒜片一齊食仲正，飯底配埋牛柳粒/泡菜/海帶/蛋絲/酸薑一次過食真係幾惹味。灸燒帆立貝牛肉鴛鴦丼 - 呢個雙併丼只係賣$46，抵食到暈，呢個涼拌菜就揀左黑松茸鮮菌，牛肉量都好多，亦都好入味，好食過某某家牛肉飯專門店好多，燒過嘅帆立貝入口有陣灸燒香，size就適中，入口都有鮮味。小食 - 以上兩個丼飯我都加左$16蚊轉set，配左黑
🗓(21/12) 星期三 ⏰ 晚上7點左右
💈特式：呢間日式丼屋位置好方便，就係旺角登打士廣場行入少少，主打丼飯同小食，性價比真係超高，平到好似3餸飯咁嘅價錢，但質素又唔差。
🥩🍔🌭🌮🥗🥯🥘🍲🍝🍣🥟🍤🍱
食物：因為今日工作忙無食lunch，所以特別肚餓，兩個人叫左各一個丼set，個set除左丼飯仲包左一份小食同飲品或味噌湯，我另外仲叫多左4份小食，總數有6個小食，等我同大家講下🍱味道先。
蒜片一口牛柳粒丼 - 呢個丼只店員推介，咁就信下佢啦，仲會配埋4選1嘅涼拌菜，我就揀左泡菜，我一開始估個價錢咁平，個丼飯份量應該偏細，但結果又唔係，份量都有返咁上下，牛柳粒都唔少，牛柳粒油脂好豐富，肉味都幾香，配埋蒜片一齊食仲正，飯底配埋牛柳粒/泡菜/海帶/蛋絲/酸薑一次過食真係幾惹味。
灸燒帆立貝牛肉鴛鴦丼 - 呢個雙併丼只係賣$46，抵食到暈，呢個涼拌菜就揀左黑松茸鮮菌，牛肉量都好多，亦都好入味，好食過某某家牛肉飯專門店好多，燒過嘅帆立貝入口有陣灸燒香，size就適中，入口都有鮮味。
小食 - 以上兩個丼飯我都加左$16蚊轉set，配左黑蒜濃湯煮蜆同辣湯煮藍青口，因為呢兩個小食最貴，但轉左餐之後只需加多$8蚊就可以揀，另外就再叫左黑松茸醬棒棒炸雞翼/唐揚炸魷魚/炸芝士年榚(1件)/炸日式紫薯餅(2件)。
因為叫得太多小食，所以我只係重點講幾款：個濃湯煮蜆黑蒜味都幾重，份量亦唔少，隻隻食落都無沙，個濃湯仲好好味，我差d飲晒咁滯；個棒棒炸雞翼係單骨雞翼，好方便食，上枱夠晒熱，亦炸得好酥脆可口；炸芝士年榚個皮好脆，但入面好煙韌同有流水芝士，雖然幾邪惡，但真係好好食；個炸日式紫薯餅可以當做甜品，因為佢甜甜地，但又唔會太甜，亦唔會好漏。
☕️🍵🥤🧋🍺🍷🥃🍹🧉🍾🍶🥛
飲品 - 跟餐飲品可以揀罐裝汽水/飲品，又或者加$3蚊轉樽裝茶。
🍽環境：餐廳裝修就簡簡單單，有d似茶餐廳格局，但勝在光猛/整潔/乾淨，餐廳設有幾張木設計卡位，睇落更加有日系感覺，餐具係安排左每人有獨立包裝，係而家疫情肆虐嘅時間，我覺得相當細心。
🤵🏻🤵🏻♀️🤵🏻♂️服務：員工服務好好，我見佢地都好爆場，仲有好多人買外賣，但佢地仍然keep到好有禮貌咁問我需要需要推介一d店舖特式食物、客人落單後亦會同你覆返一次單以防落漏。
💰💸價錢：今日叫左兩個日式丼飯加6個小食，有埋飲品，埋單都只係$200，呢個價錢我諗真係好難搵到。
🐲💬總結：我覺得呢度d食物價廉物美，地理位置又方便，地方又整潔乾淨，食物種類都多，小食又唔貴，變相可以試多d唔同款式，整體都令人滿意。
推薦指數：❤️❤️❤️❤️🤍
蒜片一口牛柳粒丼
$47
7 瀏覽
0 讚好
0 留言
灸燒帆立貝牛肉鴛鴦丼
$46
0 瀏覽
0 讚好
0 留言
張貼
