SupBurwich (已結業)

👅SupBurwich (大角咀)大角咀海景街36號富貴大廈西座地下6號舖👧🏻唔講你唔知其實我係住喺大角咀㗎🫢呢間小食店我之前已經嚟過幾次買外賣返屋企食，不過每一次都因為好心急想食所以就唔記得咗影相。😝今次終於可以同大家介紹吓呢間餐廳，呢間餐廳其實係我阿媽買餸嗰啲師奶介紹佢食因為我細佬超級鍾意食熱狗🌭️，我阿媽成日都話養大我哋三個化骨龍一啲都唔容易🤭佢話呢個餐非常之好因為三個就可以塞飽我哋。💁🏻‍♀️今日我就撇低我細佬同埋我阿妹一個人嚟買外賣-經典熱狗🌭️我其實試過呢度其他嘅熱狗㗎喇不過每一次都真係對呢個經典熱狗念念不忘。所以今日就叫返呢個經典熱狗過吓癮，由於要一點嘅關係所以都要需時10至15分鐘🙈邊個經典熱狗最吸引我嘅地方就係佢有勁多千島醬同埋芥辣醬🤭增加左香腸嘅味道😆，佢哋嘅香腸都整得幾出色，咬落去仲係有好多肉汁👍🏻