CIAK - All Day Italian (太古城中心) (已結業)

爸爸免費吃 • 超抵食父親節意式4人餐 4人套餐原價$1,280，大家於父親節當日攜同爸爸前來，餐廳就會買三送一，折後只需$960！連續4年獲得米芝蓮推介，CAIK主打意粉同pizza，呢個父親節套餐有兩款頭盤，燒牛肉薄片非常出色，配火箭菜及吞拿魚汁，酸酸甜甜的十分開胃；煙燻特級水牛芝士配巴拿馬火腿餐廳的人氣小食，用料靚，又那會有不好吃的理由？主菜之一係雙拼組合pizza，大家可以自由配搭 兩款不同口味，推介大家吃鹹香十足的four cheese及Parma ham兩種口味。CIAK的自家製pasta一直都非常受歡迎，這個辣辣蕃茄海鮮意粉好惹味，配上煙韌彈牙麵條，再加上鮮味蟹肉，輕易成為全晚最喜歡嘅菜式。鴨肉意大利飯配加入牛肝菌，香味即時提升。呢個套餐分量十足，食咗咁多嘢都仲未食完，接住嚟有炭燒澳洲M6牛扒及4 款甜品包括冧酒啫喱、橙味朱古力泡芙、香蕉朱古力醬以及香草雪糕的甜品拼盤為盛宴畫上完美的句號，美味可口之餘，一定能深得父親的歡心。