十十川滬料理 (已結業)

來朗豪坊行完街就去美食廣場果邊覓食，見到有間十十川滬料理，開始係想食辣野，點知入到去發覺有好多選擇啊，有鍋物放題，又有套餐。忽然見到個晚市二人套餐好似几抵下，仲係上海菜，就想試下。一般套餐既話，會有心理準備距可能分量細少少。點知上來一睇，全部都正常分量，上菜又好快，一陣就成檯送了，真係好抵食。涼拌萵筍絲，睇落無味甘，食落係有花椒味，五太辣，但係香，幾好食。花雕醉雞好濃花雕香，雞肉都嫩滑，而且雞皮五肥。鮑魚醃篤鮮係有鮑魚架，味道都好好，連腐皮都入味。松子糖醋骨，首先個分量係真係好多，其次滴排骨基本上係易脫骨的部位，食得好方便，最後就係個味道，五會太甜，有松子既香味，值得推薦。鮮奶賽螃蟹滴蛋同奶都嫩滑，送飯一流。乾煸四季豆首先五幹身，本身食材係嫩既，味道甜甜辣辣，五錯。最後仲有炒年糕，小籠包，仲有2碗大大碗既芋圓冰粉，2個人食到撐，抵食又好食。