影片
更多
2020-10-28
14 瀏覽
和朋友簡單食餐飯，選址觀塘呢間鴨仔冰室，佢係一個商場裏面嘅地下，周圍有唔同嘅食肆，冇實質嘅四埲牆所以感覺就比較開陽，周圍都好多鴨仔ICON，尤其是收銀位置掛住嗰隻大黃鴨，好搶眼。晚餐有15款選擇，有$60至$158不等，大部份可以配飯/意粉/薯蓉/薯條，包沙律或餐湯及餐茶。今日嘅餐湯係羅宋湯，煮得幾濃味，帶微辣，都唔錯。我哋分別都叫扒餐，一個鴨仔鐵板雜扒和鐵板西冷牛扒，雜扒嘅份量真係多到嚇死人，有豬、牛、雞和司華力腸，超豐富！相比之下我個西冷牛扒得一塊牛就孤單得多😂😂，不過size都相當大。雖然塊西冷唔算超級靚，微微有點鐵板燒嘅焦味，肉質都算不過不失啦！仲有好多雜菜配料添！我哋嘅扒餐本身揀咗配薯蓉和意粉，通常都係放埋喺個鐵板度一齊上，不過呢度係另外一個碗上，可想而知份量係有幾多！薯蓉我就冇試，不過應該都OK嘅，至於意粉就係茄汁意粉，這種熟悉嘅味道令我想起細個喺快餐店食意粉嘅情景。其實連埋呢個啡色沙發和紅色格仔枱布，成件事都好懷舊，唔怪得知佢叫自己做冰室。呢度嘅服務亦都唔錯，除咗好細心預備紙口罩套俾你，侍應仲不時會過來加水，以呢度嘅食物價錢黎計，服務真
晚餐有15款選擇，有$60至$158不等，大部份可以配飯/意粉/薯蓉/薯條，包沙律或餐湯及餐茶。
今日嘅餐湯係羅宋湯，煮得幾濃味，帶微辣，都唔錯。
我哋分別都叫扒餐，一個鴨仔鐵板雜扒和鐵板西冷牛扒，雜扒嘅份量真係多到嚇死人，有豬、牛、雞和司華力腸，超豐富！
相比之下我個西冷牛扒得一塊牛就孤單得多😂😂，不過size都相當大。雖然塊西冷唔算超級靚，微微有點鐵板燒嘅焦味，肉質都算不過不失啦！仲有好多雜菜配料添！
我哋嘅扒餐本身揀咗配薯蓉和意粉，通常都係放埋喺個鐵板度一齊上，不過呢度係另外一個碗上，可想而知份量係有幾多！
薯蓉我就冇試，不過應該都OK嘅，至於意粉就係茄汁意粉，這種熟悉嘅味道令我想起細個喺快餐店食意粉嘅情景。
其實連埋呢個啡色沙發和紅色格仔枱布，成件事都好懷舊，唔怪得知佢叫自己做冰室。
呢度嘅服務亦都唔錯，除咗好細心預備紙口罩套俾你，侍應仲不時會過來加水，以呢度嘅食物價錢黎計，服務真係超晒班。
張貼
