紅椒力量 (已結業)

係得vcity入面，食野應該唔平，但比我地搵到間又抵食份量又多既新加坡X泰國菜。坐底睇下有咩好食先。冬蔭豬頸肉湯金邊粉，有好幾塊大大豬頸肉，豬頸肉肉質爽身，好食！金邊粉夾起都多韌力唔散，食落都滑，有咬口，冬蔭湯夠酸，如果可以辣多少少更好。海南雞喇沙河粉，喇沙湯好惹味，仲有滑滑海南雞，正。雜錦拼盤，又有我最鍾意既春卷，又有串燒，每樣有D，最緊要係點醬汁，有3種汁，食串燒點汁，真係必要的。飲品仲有椰汁紅豆冰同熱柚子蜜，爽晒！