影片
更多
2022-10-06
247 瀏覽
又黎食在元朗系列，話說之前行過呢間番日本料理俾佢門口個餐牌吸引左，最平29蚊一份午餐，無錯係29蚊，有燒鯖魚或吉列豬排選擇，即刻記底左諗住搵日試試。今日放飯同同事過黎試試，餐廳開12點我地都準時到做第1枱客人，12點半左右學生放飯都開始坐爆成間餐廳，如無記錯有學生優惠免加1再送飲品，真係超抵食，由於小店面積唔算大，但都有超過10張枱，所以人多時可能會迫少少。落單方式係填點心紙，枱上都有壺熱水同茶紙杯自己沖茶，個茶紙杯幾得意底下有層紙蓋住d茶葉加熱水落去就咁沖，但我沖完就飲唔出茶味，都係似飲水多d。汁煮金菇肥牛飯+前菜沙律甜品小弟揀左呢個，由於想試多d野另加外加左$10多個前菜，蟹籽沙律同甜品，先講前菜就係秋葵，個人其實麻麻地鍾意，但佢加左d芝麻醬同木魚，食落又幾ok，蟹籽沙律份量一小碗，有d青瓜絲同蟹柳絲同蟹籽，沙律醬都幾多下，叫左正常啦無咩特別之處，另外麵豉湯就本身個餐有既，唔會太咸配料都有d昆布同豆腐。好啦講返個正餐，飯就珍珠米煮得岩岩好，飯量都ok，肥牛就普通肥牛啦有d位少少韌，接受到，金菇都好入味，汁底我覺得偏咸dd，都接受到，好送飯d，呢個價錢呢個質素，合格有多啦。甜品有泡芙
今日放飯同同事過黎試試，餐廳開12點我地都準時到做第1枱客人，12點半左右學生放飯都開始坐爆成間餐廳，如無記錯有學生優惠免加1再送飲品，真係超抵食，由於小店面積唔算大，但都有超過10張枱，所以人多時可能會迫少少。
落單方式係填點心紙，枱上都有壺熱水同茶紙杯自己沖茶，個茶紙杯幾得意底下有層紙蓋住d茶葉加熱水落去就咁沖，但我沖完就飲唔出茶味，都係似飲水多d。
汁煮金菇肥牛飯+前菜沙律甜品
小弟揀左呢個，由於想試多d野另加外加左$10多個前菜，蟹籽沙律同甜品，先講前菜就係秋葵，個人其實麻麻地鍾意，但佢加左d芝麻醬同木魚，食落又幾ok，蟹籽沙律份量一小碗，有d青瓜絲同蟹柳絲同蟹籽，沙律醬都幾多下，叫左正常啦無咩特別之處，另外麵豉湯就本身個餐有既，唔會太咸配料都有d昆布同豆腐。
好啦講返個正餐，飯就珍珠米煮得岩岩好，飯量都ok，肥牛就普通肥牛啦有d位少少韌，接受到，金菇都好入味，汁底我覺得偏咸dd，都接受到，好送飯d，呢個價錢呢個質素，合格有多啦。
汁煮金菇肥牛飯
$42
5 瀏覽
0 讚好
0 留言
甜品有泡芙同抹茶蕨餅，我揀左蕨餅，2粒有d似麻糬咁既但質感再硬d，外面再加d抹茶粉，抹茶味唔太濃但口感幾得意，都推薦試試。
抹茶蕨餅
1 瀏覽
0 讚好
0 留言
由於又想試多少少野再加$5要多客鰻魚壽司，$5兩件真係平過爭鮮，唔係唔加下話，壽司飯就正常啦，鰻魚就略慊唔夠汁同韌左d，質素黎講就一般，不過勝在平。
鰻魚壽司
2 瀏覽
0 讚好
0 留言
滑蛋吉列豬排丼
同事揀呢個，38蚊大大碗，滑蛋加左洋蔥同上湯汁煮，配埋吉列豬排味道好夾，飯係珍珠米煮得岩岩好，份量都好足。
滑蛋吉列豬排飯
$38
5 瀏覽
0 讚好
0 留言
整體而言午餐價錢就相當抵食，質素都唔錯，對中學生黎講更係恩物，但午市套餐只係12點-15點，想試既朋友要留意時間啦。
張貼
