初遇

營業中

休息中

之前食過呢一間台式餐廳嘅沙田分店，感覺超平超抵食，今日嗰間喺土瓜灣做嘢，原來呢度都有分店，咁就梗係入嚟試吓啦。呢度嘅裝修比沙田更加好，因為佢嘅卡位更加多，坐得好舒服。佢嘅Menu兩間好似差唔多，平時價錢已經好平，佢嘅下午茶更加係非常之抵。因為一陣間都要食晚飯，所以我就淨係叫咗小食。我認為呢個麻辣鴨血真係好抵讚，$28嘅價錢已經有一大碗鴨血，而且佢嘅辣味好開胃，越食越想食。另外呢個臭豆腐都好正宗，佢係黑色嘅臭豆腐，食落同平時街邊食嘅有啲唔同，口感比平時嘅更加好，又係好開胃嘅一道菜。朋友就叫咗呢個大腸麵線，佢話味道好夠，而且大腸份量好多，唔使落醋都已經好好食。呢杯仙草奶茶，只需要加配價$12 ，但係飲落已經被出邊專飲奶茶嘅奶茶舖更加好飲。雖然我冇叫到少甜，但係佢都唔會太甜，而且奶味濃郁，感覺係新鮮鮮牛奶沖嘅。呢間台式餐廳真係又平又抵食，下次見到邊度仲有分店都一定會入嚟食呀。