影片
更多
2022-12-12
18 瀏覽
出開嚟港島，順便過灣仔搵朋友食飯，見到呢間新開嘅舖頭，個裝修都幾古色古香。最重要係佢而家做緊套餐好抵食，三百幾蚊有烤魚之餘，仲要有六隻肥嘟嘟嘅生蠔同埋菜籃。烤魚我哋今次揀咗花椒味，次次都食紅噹噹清淡啲，花椒味通常以麻為主，唔會太辣，不過同樣地就冇咗麻辣嘅香，一開頭個烤魚會比較淡味少少，但係煮耐左，啲麻開始出嚟就不得了，都好惹味架。佢啲魚肉都好滑，條魚都夠大條，絕對夠兩個人食。唔好以為佢送嘅生蠔會好hea，呢個價錢嚟講絕對係好好滿意，因為粒粒都脹卜卜，見到都開心。另外我哋仲加咗$68要埋佢夠手切肥牛，同樣地$68一啲都唔hea，啲色水仲幾靚添。叫咗個尖椒皮蛋做前菜，不過我自己就唔係好食皮蛋，都係朋友食為主，睇個賣相都幾靚呀。另外食得川菜就一定要食大盤花菜，個菜都幾好食，少少辣好惹味。另外我自己叫咗個冰粉做甜品，不過呢個冰粉就真係有啲失望。雖然佢好特別地用咗桂花，但係因為冰粉本身個口感太林，一啲都唔Q彈，變咗唔係冰粉嘅口感。
出開嚟港島，順便過灣仔搵朋友食飯，見到呢間新開嘅舖頭，個裝修都幾古色古香。
最重要係佢而家做緊套餐好抵食，三百幾蚊有烤魚之餘，仲要有六隻肥嘟嘟嘅生蠔同埋菜籃。
烤魚我哋今次揀咗花椒味，次次都食紅噹噹清淡啲，花椒味通常以麻為主，唔會太辣，不過同樣地就冇咗麻辣嘅香，一開頭個烤魚會比較淡味少少，但係煮耐左，啲麻開始出嚟就不得了，都好惹味架。
佢啲魚肉都好滑，條魚都夠大條，絕對夠兩個人食。
唔好以為佢送嘅生蠔會好hea，呢個價錢嚟講絕對係好好滿意，因為粒粒都脹卜卜，見到都開心。
另外我哋仲加咗$68要埋佢夠手切肥牛，同樣地$68一啲都唔hea，啲色水仲幾靚添。
叫咗個尖椒皮蛋做前菜，不過我自己就唔係好食皮蛋，都係朋友食為主，睇個賣相都幾靚呀。
另外食得川菜就一定要食大盤花菜，個菜都幾好食，少少辣好惹味。
另外我自己叫咗個冰粉做甜品，不過呢個冰粉就真係有啲失望。雖然佢好特別地用咗桂花，但係因為冰粉本身個口感太林，一啲都唔Q彈，變咗唔係冰粉嘅口感。
張貼
