影片
更多
2017-10-01
225 瀏覽
一講起金鐘 pacific place，大家都會覺得喺度食飯好貴，但呢間喺PP入面嘅意大利餐廳Operetta係性價比超高！Sunday Brunch超超超抵食，$208就可以仼食頭盤同甜品，亦可另加$130加man course。我地兩個人只係加佐一客main course share。主菜 「玫瑰牛柳」，係意大利北部嘅名菜，牛柳非常嫩滑，肉味香濃帶有酒香，非常出色！強烈推薦一試!不過如果唔加主菜，一樣豐富，因為岀面antipasti嗰度都已經有唔少熟食，例如千層麵、乳豬、肉丸、焗茄子，絕對夠飽.。 冷盤仲有凍蝦、Parma ham、意式肉腸、salami、煙三文魚、海鮮沙律、水牛芝士蕃茄沙律caprese 、藜麥沙律、意粉沙律、巴馬臣芝士粒三文治等。食過幾間semi lunch buffet，Parma ham 都好一般般，但呢度嘅Parma ham有油香，配哈蜜瓜冇得輸。煙三文魚都煙燻得啱啱好，唔會太鹹。凍蝦都非常新鮮。甜品款式唔算特別多，但勝在每一樣都十分高質！呢個時候真係特別嬲自己個胃唔夠大呀，樣樣都好好食，好想食多幾轉，可惜頭盤食咗太多，食咗一round已經飽到不行! 甜品
我地兩個人只係加佐一客main course share。
主菜 「玫瑰牛柳」，係意大利北部嘅名菜，牛柳非常嫩滑，肉味香濃帶有酒香，非常出色！強烈推薦一試!
不過如果唔加主菜，一樣豐富，因為岀面antipasti嗰度都已經有唔少熟食，例如千層麵、乳豬、肉丸、焗茄子，絕對夠飽.。
冷盤仲有凍蝦、Parma ham、意式肉腸、salami、煙三文魚、海鮮沙律、水牛芝士蕃茄沙律caprese 、藜麥沙律、意粉沙律、巴馬臣芝士粒三文治等。
食過幾間semi lunch buffet，Parma ham 都好一般般，但呢度嘅Parma ham有油香，配哈蜜瓜冇得輸。煙三文魚都煙燻得啱啱好，唔會太鹹。凍蝦都非常新鮮。
甜品款式唔算特別多，但勝在每一樣都十分高質！呢個時候真係特別嬲自己個胃唔夠大呀，樣樣都好好食，好想食多幾轉，可惜頭盤食咗太多，食咗一round已經飽到不行!
甜品有earl grey creme brulee、tiramisu chocolate tart、mango panna cotta、Cassis Sphere、chestnut mousse cake、Bergamot Milk Chocolate Mousse、Pistachio Pabana Cake、lemon tart.
特別推薦頭三款，earl grey creme brulee嘅伯爵茶香清幽淡雅，tiramisu chocolate tart上層有creamy嘅tiramisu配上下層脆口嘅撻底，口感好有層次；mango panna cotta芒果香突出豐富，panna cotta部分仲有奶香，質感滑溜。
飲品方面，有餐湯, Fruit Punch同沙冰。
我飲咗Fruit Punch，味道唔錯
諗住收山之際，職員竟然同我地講仲有homemade gelato可以仼點，有好多味道選擇。我點佐開心果同布冧味，好味好味！
呢個brunch真係太抵食喇，已經諗定下個月要再嚟食！
張貼
