貴緣小鍋米線 (崇潔街) (已結業)

好耐冇介紹過雲南米線 今次呢間係土瓜灣名物🍜 六點半嚟到 已經全部爆滿咁濟😮 堂食用QR code落單 方便又快捷😍特濃新鮮番茄湯呢碗我地嗌咗米線 湯底要小辣 番茄湯味道鮮甜 真係有新鮮番茄喺入面㗎🍅 配料方面揀咗豬軟骨 肥牛同埋腐竹 我就最鍾意豬軟骨 煲到好腍🐷 大件又好入味招牌酸辣湯呢碗個主食係紅薯粉 湯底同樣嗌咗小辣 紅薯粉煙煙韌韌 酸辣嘅味道唔算太酸 就算飲個湯底都唔會涸喉🫢 配料方面有秘製腩肉 鹵水大腸同埋蘿蔔😙 蘿蔔冇渣又清甜 秘製腩肉真係必點🥰 個味道調配得啱啱好 好啱我胃口貴緣雞絲火山呢個真係成座火山咁🌋 份量多 除咗雞絲之外 仲有少量炸菜同辣椒🌶️ 但味道唔會好鹹好辣 所以即使份量多 都可以輕鬆食晒😎麻辣豬肚絲呢碟嘅辣味好足😙 豬肚切到一條條 好方便進食 鍾意食辣嘅朋友我推介呢個小食飲品 杯裝豆漿味道唔會太甜 同米線好夾🥛玉露綠茶味道清香 解辣🍵總括嚟講呢間米線幾足料🥰 難怪係土瓜灣名物啦 配料方面我就最欣賞秘製腩肉同埋蘿蔔🥕