亞金南洋茶室 (新都城中心二期) (已結業)

超抵食茶餐 味道性價比都很不錯～～～星期五咁啱有事去將軍澳嗰邊做嘢做完嘢之後 又未到晚餐時間 但係又有啲肚餓 就去咗附近嘅呢一間冰室度食個下午茶e肚 佢哋嘅餐牌選擇幾多 睇完餐牌之後 我同同事就叫咗檳城炒貴刁 同埋碌冧香茅豬扒 之後再叫咗個越式撈檬 同埋鮮油咖央多士 最後再嚟多個白玉仙草～～～不得不說佢哋個下午茶套餐真係超抵份量幾乎同平時嘅晚餐一樣 但係 價錢就非常之平～～～檳城炒貴刁炒得唔係好油膩 乾身得來又夠入味 我同同事都食唔停口 之後就係香茅豬扒 豬扒嘅份量非常之多 好在我同同事都係愛肉嘅人 加上佢個調味又真係做得幾到位 所以我哋最後都消滅晒佢～～～而撈檬就做得好輕盈 成個感覺食完好清新 減低左食雞翼又食豬扒嘅罪惡咁 雞翼好香脆 中間嘅肉就好嫩 食落有少少牛油香～～～鮮油咖央多士而係高質之作 個多士包味好出 中間大大塊牛油 雖然邪惡但係又真係停唔到 ～～～最後就係白玉仙草 所謂嘅白玉其實就係小丸子 軟糯口感 非常正 加埋清爽涼粉 食完之後令到成餐嘅油膩感全消 高質～～～推薦度：🔥🔥🔥🔥🔥🔥🔥🔥亞金南洋茶室 (將軍澳)將軍澳欣景路8號新都城中心二期高層地下UG051H號舖