燒味滷師 (大廈街)

營業中

休息中

今日出荃灣買野，買完野見落雨濕濕，又唔想行黎行去買餸，見呢間燒味滷師價錢好抵食，又幾多人買，一於斬啲料做今晚既餸先。斬左啲燒鵝、叉燒、鹽焗雞同要左個海蜇拼泰式鳳爪，總共二百零蚊，抵食呀。海蜇拼泰式鳳爪呢個涼拌海蜇同鳳爪我好鐘意，酸酸地做前菜一流，海蜇爽爽地，鳳爪無骨架。燒味佬叉燒呢個係我暫時買過最抵既價錢，78蚊一斤，40蚊半斤。叉燒半肥瘦，仲有少少燶邊，唔錯。至尊燒鵝要左上庄，無咁肥，一樣咁香。客家鹽焗雞雞肉都幾嫩，咸咸香香，點埋沙薑醬仲正。屋企人都覺得唔錯。