Homeland (東昌街) (已結業)

今日入大埔踩單車，喺東昌街附近還車後，睇見對面有間門面幾特別嘅西餐廳［HomeLand］，望見入面氣氛好靚，就決定入去食扒。分別叫咗西冷扒同豬肋骨，西冷扒揀七成熟，包埋龍蝦湯同飲品。鮮濃味嘅龍蝦湯好好飲，熱辣辣又勁滑，西冷扒肉質彈牙又大塊，應該都有1cm厚，肉質口感好豐富，伴碟嘅薯蓉有芝士味，食到停唔到口。而朋友嘅豬肋骨份量都吾細，肉質唔會太乾，又無雪藏味，豬肋骨伴碟嘅係薯條炸得好脆惹味，吾係炸咗一排放埋一邊嗰啲軟薯條。呢度位於大埔墟橫街仔，但勝在環境幽靜氣氛好，係可以令人放鬆喺食飯傾偈好地方，值得再試。