漁稼

營業中

休息中

之前朋友帶過我哋呢頭食嘢知道呢條街都好多舖頭，今日見到呢間新開嘅食川菜好似幾抵食，所以試吓。一份酸菜魚都只係$198 ，喺銅鑼灣嚟講都真係好平。佢啲魚片都算多，亦都算係滑，配菜都唔少有萵筍芽菜同埋蓮藕。食酸菜魚最重要就係試埋個湯，所以叫咗個飯嚟整湯飯，一個餸兩個食法～另外叫咗個擔擔麵，佢個擔擔麵好香花生醬味。啲麵都好彈牙，係唔錯嘅。另外見到佢啲串燒都好抵食，所以叫咗三串嚟試吓，分別有穀飼和牛，雞腿肉同埋翠玉瓜。焗雞肉都幾滑，個牛都幾腍。另外仲叫咗個錫紙娃娃菜，不過佢呢一個就真係係食菜嘅味道，原汁原味。最後嘢飲方面，我哋叫咗荔枝茉莉茶同埋熱情果茉莉茶，個甜度啱啱好，仲有啲果肉添。銅鑼灣嚟講食咁樣嘅份量都算係抵食架啦。