鋒哥廚房 (已結業)

前晚同朋友入咗元朗食呢間鋒哥廚房，叫咗佢哋嘅套餐都幾抵！首先嚟咗個香噴噴嘅藥膳雞煲，雞嘅份量超級多，一個煲已經好飽，雞肉好滑，仲有陣陣藥膳香味。另外仲有麻辣雞煲都好惹味。打邊爐自選湯底都有好多唔同嘅選擇，款款湯底都各有特色。我同朋友最後就揀咗個皮蛋芫荽湯，真係好鍾意食芫荽啊，估唔到佢真係成個湯底都綠色，望到都覺得好鬼正呀！味道清清地又好香芫荽味！仲有啲皮蛋可以食下添。安格斯牛頸脊無限追加真係好正，牛肉好濃牛味，肥瘦比例剛好，真係上盛牛肉質素。海鮮都好新鮮，款式選擇仲好多。另外一定要食埋個脆卜卜嘅炸魚皮！