影片
更多
2025-01-28
580 瀏覽
2025年1月9日 星期四呢日晏晝約咗親戚喺筲箕灣一齊食飯，終於有機會嘗試呢一間餐廳，成日都會經過但係一直都冇機會入去試下，好彩等咗一陣就有張空枱，遲多少少後面已經排滿晒人餐牌都有好多食物可以選擇，除咗午市特餐之外，仲可以加$40將主餐牌變成五道餸嘅豐盛全餐，包括有沙律杯、湯、芝士蛋糕同飲品，又或者本身叫豐盛全餐都得，真係好抵，$100都唔使就包晒咁多嘢，於是我哋每人叫一個餐再加錢變成豐盛全餐一點完餐等咗一陣餐湯就首先送到，係南瓜忌廉湯，個湯非常濃郁，每一啖都飲到南瓜味，仲食到南瓜蓉添，而且個湯一啲都唔稀，味道啱啱好餐飲我要左熱鮮橙茶，嚟到嘅時候真係成壺茶咁上，另外仲放咗兩片橙，充滿儀式感，可以自由加配茶同橙既比例，味道酸酸甜甜幾清新跟住到主菜登場，冇諗過會咁大份，個鐵板仲大過我塊面，而且裏面仲有好多唔同嘅食物屋企人要咗鐵板重量級雜扒配德國青胡椒汁，果然係重量級，無論豬扒、雞扒、甚至乎雞肉腸都好大條，肉類下面仲鋪滿咗雜菜同秋葵，醬汁好惹味，同肉質好夾，而且雞扒同豬扒都好嫩滑，好容易就切得開至於我就要左美國封門牛柳配鮮菇燒汁，由於我要咗五成熟，所以牛柳一切開嘅時候仍然係充滿粉嫩嘅顏色，生
呢日晏晝約咗親戚喺筲箕灣一齊食飯，終於有機會嘗試呢一間餐廳，成日都會經過但係一直都冇機會入去試下，好彩等咗一陣就有張空枱，遲多少少後面已經排滿晒人
餐牌都有好多食物可以選擇，除咗午市特餐之外，仲可以加$40將主餐牌變成五道餸嘅豐盛全餐，包括有沙律杯、湯、芝士蛋糕同飲品，又或者本身叫豐盛全餐都得，真係好抵，$100都唔使就包晒咁多嘢，於是我哋每人叫一個餐再加錢變成豐盛全餐
一點完餐等咗一陣餐湯就首先送到，係南瓜忌廉湯，個湯非常濃郁，每一啖都飲到南瓜味，仲食到南瓜蓉添，而且個湯一啲都唔稀，味道啱啱好
餐飲我要左熱鮮橙茶，嚟到嘅時候真係成壺茶咁上，另外仲放咗兩片橙，充滿儀式感，可以自由加配茶同橙既比例，味道酸酸甜甜幾清新
跟住到主菜登場，冇諗過會咁大份，個鐵板仲大過我塊面，而且裏面仲有好多唔同嘅食物
屋企人要咗鐵板重量級雜扒配德國青胡椒汁，果然係重量級，無論豬扒、雞扒、甚至乎雞肉腸都好大條，肉類下面仲鋪滿咗雜菜同秋葵，醬汁好惹味，同肉質好夾，而且雞扒同豬扒都好嫩滑，好容易就切得開
至於我就要左美國封門牛柳配鮮菇燒汁，由於我要咗五成熟，所以牛柳一切開嘅時候仍然係充滿粉嫩嘅顏色，生熟度啱啱好，肉味好香濃，食到停唔到口，下面仲有大大嚿薯蓉添，吸收晒肉汁同醬汁嘅味道
另外我哋仲要咗慢煮牛面珠燉肉配紅糙米飯，個肉真係煮得好腍，唔使用刀切都切得開，而且煮到入晒味，好似食緊和牛咁，完全冇得輸
最後仲有甜品西班牙巴斯克焦香芝士蛋糕，口感幼滑之餘仲充滿芝士香味，加上甜而不膩，食完主菜仍然仲有空間食埋呢個甜品，食完之後真係好滿足！！
張貼
