魚川居 (已搬遷) 新店位置

機緣巧合之下，去咗呢間工廠大廈嘅酸菜魚食晚餐，知道咗呢間酸菜魚轉型做咗任食放題！感覺好似可以食得盡興啲!揀咗lv2 嘅安格斯牛小排任食！當中仲包一啲海鮮同埋肉類，例如生蠔、魷魚、同埋當然有自助火鍋吧。佢一定會想晒啲肉先，知道大家都想滿足下肉嘅渴求！一上枱就知牛嘅質素唔會太差，而且佢厚度保持得適中，打邊爐嘅話20秒左右其實都食得！牛肉雖然話唔係好重牛味，但係絕對係新鮮嘅！豬肉片都唔錯，但係一定係牛好味啲㗎啦！另外佢嘅雞、同埋生蠔都超正！蔬菜亦都非常之新鮮！最令我哋驚喜嘅，但係竟然有冇問題成筒嘅雪糕食！超級有誠意而且高質素！食到好飽都食得落兩大球！好少見火鍋任食放題嘅蔬菜係咁新鮮，而且最開心嘅係有好味嘅竹笙食！仲要唔係劣質嘅！除咗呢啲之外，呢度嘅環境亦都好寬闊，雖然係工廠區，但係都非常之乾淨！同埋服務態度都超級友善，經理嘅傾談之間覺得佢好有親切感！*另外想特別提一提，店家而家做緊一個外賣自取買一送一大優惠，＄248 就可以選以下2款1.老壇酸菜魚2.秘制水煮魚3.奇味雞煲（一隻雞）4.香辣雞煲（一隻雞）下次想都試下，真係超抵食。