鳴橋燒肉料理 (已結業)

話說朗豪坊後街，食肆真係一股作氣地開完一間又一間，成行成市，燈紅酒綠！而呢間鳴橋燒肉店，店外日式小燈籠裝橫感覺格外用心，昏暗燈光挺有日本深宵食堂的氣氛。進入，原來不是串燒店，而是自助式嘅放題日式燒肉店，價錢亦挺相宜！｜肉類｜牛、雞及豬，選擇甚多！本人當然最愛食牛啦！牛舌、一口、牛同牛枊、豬頸肉、豬背肋、雞脾肉......最特別係比較少見嘅「豬拖羅」！無錯，原來豬都有「拖羅」！哈哈哈哈～～～～整體而言肉類都好新鮮，而且肉質算係水準之上！ ｜刺身｜叫咗三文魚同甜蝦兩款，來回再幾轉都係KEE到個水準，新鮮而且三文魚都算係腩位，幾肥美！蝦亦夠晒鮮甜！ ｜小食｜可以燒得太多肉類，熟食方面忽略咗haha~~~~不過本人唯一試過嘅兩款都唔錯，包括温泉蛋同埋甜薯！都好好味！