藤 (已結業)

今次介紹位於旺角嘅日式omakase《藤》，座位全部都係bar枱形式。晚市omakase $788一位包含前菜、三款刺身、壽司11貫、熟食、卷物一款、湯同埋甜品。先付鱈魚白子表面經過微微炙燒，奶油味口感。加入左土佐醋、水雲、蘿蔔蓉，平時出面食開酸汁啫喱，依款就主要食白子嘅食材味道，好新鮮。刺身三點鮟鱇魚肝橙色嘅鮟鱇魚肝，味道鮮甜又入口即溶。配左綠色嘅新鮮紫菜同埋鮮汁，好開胃。小長井生蠔蠔身非常飽滿又有光澤，食落海水味同埋蠔味都好重。煙燻春魚白身魚味道本身較淡，師傅就用咗煙燻嘅方式去處理，加入洋蔥絲、薑花、酸汁、芥末籽醬、炸蒜，淡淡煙熏味又有炸蒜嘅味道。糖醋蛋配慢煮八爪魚糖醋蛋其實都係流心蛋，上面淋上土佐醋、同埋白色嘅新鮮魚鬆。食之前可以攪拌蛋漿，令到八爪魚被蛋漿覆蓋，口感會更加幼滑。八爪魚用左櫻煮處理2個鐘以上，好腍身又有嚼勁。壽司十一貫帶子壽司白色嘅新鮮帶子，加上柚子皮、檸檬汁、岩鹽，帶出帶子本身嘅鮮甜。真鯛肉厚邊緣有淡紅嘅魚皮，魚肉上面加入左梅醬，肉質鮮嫩又微甜。深海池魚白身魚，魚皮呈灰色魚肉末端淺紅色，厚身又有油脂香，入口甜美又細膩。生北寄貝平時出面食開係紅色嘅熟北寄貝，生嘅末端