甜點

營業中

休息中

係荃灣 Shopping，無謂係商場食飯咁鬼貴喇，所以嚟咗有鹹有甜嘢食嘅「甜點」。先食個日式餃子烏冬 ($40)，加底都只係加多五蚊，掋到爛。烏冬幾滑，餃子竟然係用煎餃，有啲驚喜，本來以為只係烚熟晒餃子算。仲包埋溏心蛋，煮得啱啱好，有啲流心，一啲都唔馬虎。嗌主菜仲包嘢飲，叫特飲就加錢。我梗係叫個黑牛 (+$7) 喇～ 有可樂有雪糕，簡直係我細個最鍾意嘅飲品。雪糕裡面仲有朱古力碎，半溶時忽然啜到，有驚喜！嚟甜品鋪唔食甜品都真係對唔住自己，嗌返個雪糕小丸子 ($36) 先，貪佢咩都有。有新鮮香甜嘅芒果、雪糕、小丸子、西米同芒冰，我仲加埋滑溜豆味重嘅豆腐花 ($4)，好豐富呀。